සිසුවියකගෙන් ම්ලේච්ඡ හා කුරිරු ලෙස අයුතු ප්‍රයෝජන ගත් කොණ්ඩා මෝස්තර ශිල්පියාට වේවැල් පහර සමඟ ලැබුණු දඬුවම.
Wayomi
සිංගප්පූරු අධිකරණයක් විසින් 2019 වසරේ විශ්ව විද්‍යාල සිසුවියක් ම්ලේච්ඡ හා කුරිරු ලෙස දූෂණය කිරීමේ චෝදනාවකට 38 හැවිරිදි ජපන් ජාතික කොණ්ඩා මෝස්තර ශිල්පියකුවන ඉක්කෝ කිටාට වසර දාහත හමාරක සිර දඬුවමක් සහ වේවැල් පහර 20ක් නියම කර තිබෙනවා.
ඔහු සිංගප්පූරුවේදී වේවැල් පහරකට මුහුණ දුන් පළමු ජපන් ජාතිකයායි.
විනාශකාරී ක්‍රියාවන්, මංකොල්ලකෑම් සහ මත්ද්‍රව්‍ය ජාවාරම වැනි බරපතල වැරදි සඳහා වේවැල් පහර ලබාදීම එරට වේවැල් භාවිතා කරන මතභේදාත්මක ශාරීරික දඬුවම් ක්‍රමයක්.
රාත්‍රී සංචාරක ප්‍රදේශයක් වන ක්ලාක් ක්වේහිදී 20 හැවිරිදි මෙම සිසුවියව ඔහුට හමුව ඇති අතර වීඩියෝව මිතුරෙකු සමඟ බෙදා ගෙන ඇති බව ද සඳහන්.
ඇය මහල් නිවාසයෙන් පැන ගිය වහාම එම දූෂණය පිළිබඳව පොලිසියට පැමිණිලි කර ඇති අතර දඬුවම් නියම කිරීමේදී විනිසුරු Aedit Abdullah මෙම පහරදීම විස්තර කළේ බීමත්කම හේතුවෙන් අවදානම් තත්ත්වයක සිටි ඇයට බලහත්කාරයෙන් මෙම ක්‍රියාව සිදු කර ඇති බවයි.
ඒ අනුව වින්දිතයා මුලින් ලිංගිකව හැසිරීමට කැමැත්ත පළ කළ බවට විත්තියේ ප්‍රකාශය අධිකරණය ප්‍රතික්ෂේප කර තිබෙනවා.
මෙම නඩුව ජපානයේ සහ සමාජ මාධ්‍යවල සැලකිය යුතු අවධානයක් දිනා ගෙන ඇති අතර ඇතැමුන් සිංගප්පූරුවේ වේවැල් පහරවල් ගැන කම්පනය ප්‍රකාශ කරන අතර තවත් සමහරු ප්‍රචණ්ඩකාරී අපරාධවලට එරෙහි වැළැක්වීමක් ලෙස එයට සහාය දක්වයි.
සිංගප්පූරුවේ වේවැල් පහර දීම යනු වරදකරුගේ කලවයේ පිටුපසට පහර දීමයි.
මෙම දඬුවම් ක්‍රමය 1994 දී මයිකල් ෆේ නඩුවේදී ජාත්‍යන්තර ප්‍රසිද්ධියට පත්ව ඇති අතර එහිදී අමෙරිකානු පුරවැසියෙකුට එක්සත් ජනපද රජයෙන් අභියාචනා නොතකා විනාශකාරී ක්‍රියා සඳහා වේවැල් පහරක් ලබා දී තිබෙනවා.
