පටන් ගන්නත් කළින්ම වර්ජනය තාවකාලිකව අත්හිටුවයි

රජයේ වෛද්‍ය නිලධාරීන්ගේ සංගමය මඟින් අද (31) දින උදෑසන 8.00 සිට ආරම්භ කිරීමට නියමිතව තිබූ දීප ව්‍යාප්ත වැඩ වර්ජනයක් තාවකාලිකව අත්හිටුවා ඇති බව වාර්තා වේ.

ඒ අනුව නිවේදනයක් නිකුත් කරමින් එම සංගමය සඳහන් කළේ සෞඛ්‍ය අමාත්‍ය වෛද්‍ය නලින්ද ජයතිස්ස (දුරකථන මාර්ගය හරහා සම්බන්ධ වෙමින්), සෞඛ්‍ය සේවා අධ්‍යක්ෂ ජනරාල්වරයා සහ රජයේ වෛද්‍ය නිළධාරීන්ගේ සංගමය අතර ඊයේ (30) දින රාත්‍රියේ පැවති විශේෂ සාකච්ඡාවේදී ඇති වූ එකඟතා මත මෙම තීරණය ගෙන ඇති බවයි.

අඳාළ වෘත්තීය සමිති ක්‍රියාමාර්ගය රජයේ වෛද්‍ය නිලධාරීන්ගේ සංගමය මඟින් අත්තනෝමතික ස්ථාන මාරුකිරීම් ක්‍රමවේදයට විරෝධය පළ කරමින් දිවයින පුරා රෝහල්වල ක්‍රියාත්මක වීමට නියමිතව තිබූ බව සඳහන්. 

හෙට දින රට පුරා දැවැන්ත වැඩවර්ජනයක්

සෞඛ්‍ය අමාත්‍යංශය මඟින් පිළිගත් ක්‍රමවේදය උල්ලංඝනය කරමින් අත්තනෝමතික ආකාරයට ක්‍රියාත්මක කිරීමට උත්සාහ කරනු ලැබූ වෛද්‍යවරුන්ගේ ස්ථාන මාරුවීම් අත්හිටුවීමටත්, ඒ වෙනුවට පිළිගත් ක්‍රමවේදය ඔස්සේ කාල රාමුවක් සහිතව වෛද්‍යවරුන්ගේ ස්ථාන මාරු ක්‍රියාත්මක කිරීමටත් එකඟ වූ බව එම සංගමය සඳහන් කරයි.

එසේම එම එකඟතාවයන්, අද දින පැවැත්වෙන සෞඛ්‍ය අමාත්‍යංශයේ පරිපාලන වෛද්‍යවරුන්ගේ විශේෂ සාකච්ඡාවේදී තහවුරු කිරීමටද එකඟ වූ බවත් පවසයි.

එබැවින් එම එකඟතාවයන් සලකා බලමින්, සෞඛ්‍ය අමාත්‍යංශයේ පරිපාලන වෛද්‍යවරුන්ගේ සාකච්ඡාවේදී එකඟතාවයන් තහවුරු කර ලිඛිතව ලැබෙන තුරු, රජයේ වෛද්‍ය නිළධාරීන්ගේ සංගමයේ විධායක සභාව ප්‍රකාශයට පත් කර තිබූ වැඩවර්ජනය ආරම්භ කිරිම අද දහවල් 12 තෙක් තාවකාලිකව දිගු කිරීමට තීරණය කර තිබෙනවා.

කෙසේ වුවත් අඳාළ එකඟතා ක්‍රියාත්මක නොවන්නේ නම්, ඕනෑම මොහොතක යළි වැඩ වර්ජනය ආරම්භ කිරීමට තීරණය කර ඇති බව රජයේ වෛද්‍ය නිලධාරීන්ගේ සංගමය වැඩිදුරටත් සඳහන් කරයි.

කීර්ති ප්‍රශංසා සමඟ සියලු ලෞකික සැප ලැබෙන මේ ලග්නවලට අද දවසේ ජයෙන් ජය

යනවා මෙන්න ජිම් - මාස තුනෙන් මෙච්චරක් බර අඩු කර ගත්තොත් පිස්සු හැදෙන තෑග්ගක්