එයා මගේ සහෝදරයා වුණත් එයාගේ මූණවත් බලන්න මම කැමති නෑ - එයා පොඩි කාලේ ඉදන්ම ඔහොම මිනිස්සුන්ව රවට්ටනවා - වෛද්‍යවරියගේ ආන්දෝලනාත්මක මරණයේ සැකකරු වෙස්වලාගෙන

මහනුවර තෙල්දෙණිය රෝහල අසල මෝටර් රථයක් තුළ අභිරහස් ලෙස මිය ගිය වෛද්‍යවරියගේ මරණය සම්බන්ධයෙන් පොලිසියට අවශ්‍යව සිටි පුද්ගලයා පලා ගොස් ඇති බව අනාවරණය වී තිබේ.

මෙම කාන්තාවගේ පෙම්වතා යැයි කියන පුද්ගලයා ඔහුගේ බිරිඳ සහ දරුවන් තිදෙනා සමඟ මහනුවර පිහිටි ඔහුගේ නිවසින් පලා ගොස් ඇති බව පරීක්ෂණවලින් හෙළි වී තිබේ. මෙම සැකකරු සැඟවී සිටින බවට ලැබුණු තොරතුරු මත පොලිසිය ස්ථාන 10 ක පමණ සෝදිසි කිරීම් සිදු කළේය.

තෙල්දෙණිය කළඹපු ව්‍යායාම විශේෂඥවරිය මැරූ ඝාතකයා සොයා මෙහෙයුමක් - මොහුව දැක්කොත් වහාම පොලීසියට කියන්න

කෙසේ වෙතත්, ඔහු පිළිබඳව කිසිදු තොරතුරක් සොයා ගැනීමට නොහැකි විය. පොලිසිය නාරම්මල ප්‍රදේශයේ සැකකරුගේ මව සහ සහෝදරයාගේ නිවසට ගියේය.

මෙම අවස්ථාවේදී, සැකකරුගේ වැඩිමහල් සහෝදරයා පොලිසියට තොරතුරු ලබා දුන් විට, සැකකරු කුඩා කල සිටම බොහෝ දෙනෙකු රවටා මුදල් සහ විවිධ දේ ලබා ගත් වංචාකාරයෙකු බව ඔහු සඳහන් කළේය.

"එයා මගේ සහෝදරයා වුණත්, මම එයාගේ මූණවත් බලන්න කැමති නැහැ. එයා ඒ වගේ නරක දේවල් කරන අප්‍රසන්න මිනිහෙක්." සැකකරුගේ වැඩිමහල් සහෝදරයා පොලිසියට පාපොච්චාරණය කර ඇත්තේ ඔහු රට පුරාම බොහෝ කාන්තාවන් රවටා මුදල් ගෙන ඇති බවයි.

මේ වනවිට සැකකරු පෙනුම වෙනස් කර සැඟ වී සිටින බව පොලිසිය සඳහන් කරයි. ඔහු ගැන යම් තොරතුරක් ලැබුණොත් වහාම පොලිසියට දැනුම් දෙන ලෙසත් විමර්ශන නිලධාරීන් මහජනතාවගෙන් ඉල්ලා ඇත. අදාල තොරතුරු පහතින්,

071- 8591096 - සහකාර පොලිස් අධිකාරී,

නුවරඑළිය 071- 8591097 - මූලස්ථාන පොලිස් ප්‍රධාන පරීක්ෂක, නුවරඑළිය