බ්‍රිතාන්‍යයේ ලොක්කෙක් හෙට ලංකාවට - හේතුව මෙන්න

ශ්‍රී ලංකා බ්‍රිතාන්‍ය සබඳතා තවදුරටත් ශක්තිමත් කිරීමේ අපේක්ෂාවෙන් බ්‍රිතාන්‍යයේ නියෝජ්‍ය අගමැති ඩේවිඩ් ලැමි (David Lammy) මහතා නිල සංචාරයක් සඳහා හෙට (17) ශ්‍රී ලංකාවට පැමිණීමට නියමිතව තිබෙන බව සඳහන් වේ.

ඒ අනුව් මේ සංචාරයේදී ඒ මහතා ජනාධිපති අනුර කුමාර දිසානායක, අගමැතිනි, ආචාර්ය හරිනි අමරසූරිය සහ විදේශ කටයුතු, විදේශ රැකියා හා සංචාරක ඇමැති විජිත හේරත් මහත්ම මහත්මීන් හමුවී සාකච්ඡා පැවැත්වීමට නියමිත බව විදේශ කටයුතු අමාත්‍යාංශය ප්‍රකාශ කරයි.

තාමත් ඇවිලෙන අකුරේගොඩ ඝාතනය - විරෝධතා දැඩි වෙයි - නීතිඥවරුන් පිරිසක් විරෝධතා පා ගමනකත්

මේ සංචාරයේ ප්‍රධාන අරමුණක් වන්නේ ‘ළමා රැකවරණය පිළිබඳ ගෝලීය ව්‍යාපාරයේ ප්‍රඥප්තියට’ (Charter for the Global Campaign on Children’s Care) අදාළ ගිවිසුමකට අත්සන් තැබීමටය.

ඒ අනුව අඟහරුවාදා පෙරවරුවේ දිවයිනට පැමිණෙන ලැමි මහතා ශ්‍රී ලංකා නායකයන් සමඟ සාකච්ඡා පැවැත්වීමෙන් අනතුරුව එක්සත් ජාතීන්ගේ කාර්යාලයේ පැවැත්වෙන ළමා රැකවරණ ප්‍රතිසංස්කරණ පිළිබඳ ගෝලීය ප්‍රඥප්ති උත්සවයට සහභාගී වීමට නියමිත වේ.

ආරක්ෂක ඇමති ආනන්ද විජේපාල තනතුරෙන් ඉවතට? එජාපෙන් සැර ප්‍රකාශයක්