"පැණිය මගෙන් හොරකම් කරගෙන ගියේ සල්ලි දෙන්නත් තියෙනවා " ධම්මික පැණියේ ඇත්ත නැත්ත(VIDEO)
Sewvandhi
“මම අභියෝග කරලා ඒ අහිංසක ජීවිත දින 20ක් හරි ජීවත් කරවනවා..”
“කොරෝනාවට ඔරවන්න පුළුවන් හෙළ වෙද්දුන්ට...”
අපේ රටේ කොවිඩ් වසංගතය දැන් දිනෙන් දින උත්සන්න වෙමිනුයි තියෙන්නේ. මෙම වසංගතය ගැන නිසි අවධානයක් යොමුවිය යුතු මොහොතක අපේ රටේ මිනිස්සු වෙනම පැත්තකට අරන් ගියපු කෙනෙක් තමයි කෑගල්ලේ ධම්මික වෙදමහත්තයා.
කාලි වරමෙන් ලැබුණා කියන ධම්මික පැනිය කොවිඩ් වසංගතයට හරියටම හරි කියන මතය රටේ වගකිවයුතු පුද්ගලයන් පවා අනුමත කළා. වගකිවයුත්තන් බහුතරයක් විද්‍යාවට වඩා ප්‍රමුඛත්වය ලබාදුන්නේ අවිද්‍යාවටයි.
එය මෙරට සෞඛ්‍ය ක්ෂේත්‍රයට එක්පැත්තකින් එල්ල කළ අතුල්පහරක් කිවහොත් නිවැරදියි. කොහොම වුණත් ධම්මික පැනිය අමූලික බොරුවක් බව මේ වෙද්දි රටම දන්නවා.
හැබැයි අපි මේ කියන්න යන්නේ ධම්මික පැනියේ තවත් හෙළිදරව්වක් ගැනයි. මේ ඉන්නේ පී.ජී.රංජිත් ප්‍රේමකුමාර. පාරම්පරික වෙදමහතෙක් ලෙස හදුන්වන මොහු මේ පවසන්නේ ධම්මික පැනියේ කැරැට්ටුවයි.
