අලුත් අවුරුදු කාලයේ ඉන්ධන හා විදුලිය අඛණ්ඩව

බලශක්ති අමාත්‍ය කුමාර ජයකොඩි මහතා පවසා ඇත්තේ, සිංහල අලුත් අවුරුදු සමය තුළදීත් අවශ්‍ය ඉන්ධන හා විදුලිබලය අඛණ්ඩව ලබාදීමට රජයට හැකියාව පවතින බවයි. ඔහු මේ බව කීවේ ඊයේ (20) පාර්ලිමේන්තුවේදී සභාව කල් තැබීමේ විවාදයට එක්වෙමින්ය.

වත්මන් ලෝක තත්ත්වය (විශේෂයෙන් මැදපෙරදිග ගැටුම් හේතුවෙන් ඇති වූ ඉන්ධන සැපයුම් ගැටලු) සම්බන්ධයෙන් සාකච්ඡා කරමින් ඔහු මෙම සහතිකය ලබා දුන්හ.

මෑත දිනවල පාර්ලිමේන්තුවේදී බලශක්ති අමාත්‍යවරයා ප්‍රකාශ කර ඇත්තේ, රටේ ඉන්ධන සංචිත සාමාන්‍ය පරිභෝජනය යටතේ අප්‍රේල් මැද සිට මැයි මුල දක්වා ප්‍රමාණවත් බවයි.

ඔක්ටේන් 92 පෙට්‍රල් අප්‍රේල් 23 දක්වා, ඔක්ටේන් 95 මැයි 10 දක්වා, ඩීසල් අප්‍රේල් 12 දක්වා ප්‍රමාණවත් බවත්, නැව් තුනකින් ලැබෙන තොග සමඟ එකතු කළ විට මෙම කාලය ආවරණය වන බවත් ඔහු සඳහන් කර ඇත.

ලක්ෂ හයකට අධික වටිනා ඩීසල් තොගයක් ප්‍රවාහනය කෙරූ පුද්ගලයෙකු මාට්ටු

එසේම, ඉන්ධන සැපයුම් බාධාවන් හමුවේ විදුලි කප්පාදුවක් තවමත් සිදු නොකළත්, තත්ත්වය තීව්‍ර වුවහොත් එවැනි කප්පාදුවක් අනිවාර්ය විය හැකි බවත් ඔහු පාර්ලිමේන්තුවේදී ප්‍රකාශ කර තිබේ. නමුත් අලුත් අවුරුදු කාලය තුළ අඛණ්ඩ සැපයුමක් තහවුරු කිරීමට සියලු ක්‍රම ගනු ලබන බව ඔහු අවධාරණය කළේය.

මෙම ප්‍රකාශයන් මැදපෙරදිග ගැටුම් හේතුවෙන් ලෝක ඉන්ධන වෙළෙඳපොළේ ඇති බලපෑම් හා රට තුළ ඉන්ධන තත්ත්වය සම්බන්ධයෙන් ඇති ආතතිය මැද සිදු වේ.

බොර තෙල් මිල පහළට