ශානිවයි රවීවයි මේ තනතුරුවලට දාන්න කාදිනල් හිමි කවදාවත් කිව්වේ නෑ.. අත්අඩංගුවට ගන්න එපා.. කතෝලික සභාවෙන් ඉල්ලීමක් [VIDEO]
කතෝලික සභාව මඟින් රවී සෙනෙවිරත්න හා ශානි අබේසේකර වර්තමානයේ සිටින තනතුරු සඳහා පත්කිරීමට කාදිනල් හිමිපාණන් කිසිදු ඉල්ලීමක් කර නොතිබූ බව සඳහන් කර ඇත.
ඒ අද (17) දින ප්රවෘත්ති සාකච්ඡාවකදීයි. අමාත්ය බිමල් රත්නායක මහතා පාර්ලිමේන්තුවේ කර තිබූ ප්රකාශයක් සම්බන්ධයෙන් මාධ්ය කළ විමසීමකදී කොළඹ අගරදගුරු පදවියේ මාධ්ය ප්රකාශක ගරු සිරිල් ගාමිණි පියතුමා මේ සම්බන්ධයෙන් කරුණු කියා සිටියා,
"ශානි අබේසේකර සහ රවී සෙනෙවිරත්න මේ තනතුරුවලට පත් කරන්න කියලා කාදිනල් හිමිපාණන්වත් කතෝලික සභාවවත් කිසි දවසක ප්රකාශ කරලා නැහැ."
"ඊබ්රහීම් ට ඇප දුන්නේ අධිකරණය. ඇප දුන්නා කියන එකෙන් අදහස් කරන්නේ නැහැ ඔහුව නිදොස් කොට නිදහස් කළා කියලා. ඒ නඩුව තාම යනවා. ඒ වගේම ඔය කියන දේපොළ ඊබ්රහීම් නානාගේ දේපොළ නෙමෙයි. මේ දේපොළ ඊබ්රහීම් නානාගේ සහෝදරයෙකුගේ දේපොළ. ඒ නිසා ඒක අධිකරණයෙන් තමයි ඉල්ලීම කළේ ඒ දේපොළ නිදහස් කරන්න කියලා. එතකොට අධිකරණය තමයි නිදහස් කළේ."
"අත්අඩංගුවට ගන්න එපා කියලා ගෝඨාභය මහත්තයා අධිකරණයට පෙත්සමක් භාරදීපු එක ඔහුගේ අයිතියක්. තීන්දුව ලැබෙනකම් අපිට බලන් ඉන්න වෙනවා."
"අසත්ය ප්රචාර සහ විවිධ මඩගැසීම්..මේ සියල්ලේම අරමුණ වෙලා තියෙන්නේ පාස්කු ඉරිදා ම්ලේච්ඡ ප්රහාරයේ සත්ය හෙළිදරව් කරගනිමින් සැබෑ අපරාධකරුවන් නීතිය ඉදිරියට ගෙන ඒම සඳහා සිදුකෙරෙමින් පවතින විමර්ශනවලට බාධා කරමින් ඒවා කඩාකප්පල් කිරීමේ දුෂ්ට අරමුණින් බව හොඳින්ම පේන්න තියෙන කාරණයක්." "එම නිසා සමාජ මාධ්ය ඔස්සේ සංසරණය වෙන කිසිම පදනමකින් තොර අසත්ය ප්රකාශයන්ට නොරැවටෙන ලෙස අපි මේ රටේ බුද්ධිමත් ජනතාවගෙන් ඉල්ලා සිටිනවා."
අඳාළ වීඩියෝව උපුටා දක්වා ඇත,