සිමෙන්ති බදාමයක කොටසක් හිසට වැදීමෙන් මිය ගිය දරුවාගේ මරණය හේතුව බලධාරීන් ද?

කොළඹ මෝදර මාදම්පිටිය ප්‍රදේශයේ පිහිටි මහල් නිවාස සංකීර්ණයක පිටත බිත්තියකින් කඩා වැටුණු සිමෙන්ති බදාමයක කොටසක් හිසට වැදීමෙන් 7 හැවිරිදි දරුවෙකු ජීවිතක්ෂයට පත්ව තිබේ.

පොලීසිය පවසන ආකාරයට අනතුරින් බරපතළ තුවාල ලැබූ දරුවා කොළඹ ජාතික රෝහලට ඇතුළත් කර තිබූ අතර, අද (05) අලුයම් කාලයේදී ඔහු මිය ගොස් තිබේ.

බිහිසුණු අනතුරක් - දරුවෙක්ගේ හිස මත‍ට කොන්ක්‍රීට් කොටසක් කඩා වැටිලා

සිද්ධිය සම්බන්ධයෙන් මෝදර පොලීසිය වැඩිදුර විමර්ශන සිදු කරමින් පවතින අතර අදාළ මහල් නිවාස සංකීර්ණයේ පිටත බිත්තියේ සිමෙන්ති බදාම තට්ටු කැඩී වැටෙන අවදානමක් පවතින බව නාගරික සංවර්ධන අධිකාරියේ නිලධාරීන් කිහිප අවස්ථාවකදී දැනුවත් කර තිබුණද, ඒ සම්බන්ධයෙන් අවශ්‍ය ක්‍රියාමාර්ග නොගැනීම හේතුවෙන් මෙම අනතුර සිදුව ඇති බවට අසල්වැසියන් පවසා ඇති බවද වාර්තා වෙයි.

මෙම අනතුරින් මියගොස් ඇත්තේ කොළඹ 15, මෝදර, රන්දිය උයන පදිංචි මොටීර් සඳරුවන් නමැති හත් හැවිරිදි කුඩා දරුවෙකි. මෙම සිද්ධිය සම්බන්ධයෙන් ප්‍රවාහන, මහාමාර්ග සහ නාගරික සංවර්ධන අමාත්‍යතවරයා අද පාර්ලිමේන්තුවේදී ද ප්‍රකාශයක් සිදුකර තිබුණි.

එහිදී අදහස් දැක්වූ අමාත්‍යවරයා පවසා සිටියේ, මහල් නිවාස සංකීර්ණයට අයත් මෙම ගොඩනැගිල්ල 2014 වසරේදී ඉදිරිකිරීම් කටයුතු ආරම්භකළ එකක් බවය.

වාහන බලපත්‍ර ගැන අලුත් තීරණයක් - නව ගැසට් පත්‍රයක් මෙන්න