බෙංගාල බොක්කේ අඩු පීඩනය තවත් උග්‍ර වෙයි - දිවයිනටම අනතුරු ඇඟවීමක්

ශ්‍රී ලංකාවට ගිනිකොන දෙසින් පිහිටි බෙංගාල බොක්කෙහි පවතින අඩු පීඩන කලාපය ඉදිරි පැය 12 තුළ පීඩන අවපාතයක් දක්වා වර්ධනය වී, බටහිර - වයඹ දිශාවට ගමන් කරමින් දිවයිනේ නැගෙනහිර වෙරළට ආසන්නයට පැමිණෙනු ඇතැයි කාලගුණ විද්‍යා දෙපාර්තමේන්තුව අනාවැකි පළ කර තිබේ.

මේ අනුව අද (07) දිනයේ සිට නැවත දැනුම් දෙන තුරු කන්කසන්තුරේ සිට ත්‍රිකුණාමලය සහ පොතුවිල් හරහා හම්බන්තොට දක්වා විහිදෙන ගැඹුරු හා නොගැඹුරු මුහුදු ප්‍රදේශවලට නොයන ලෙස නාවික හා ධීවර ප්‍රජාවන්ට බරපතළ අනතුරු ඇඟවීමක් නිකුත් කර තිබේ.

කන්කසන්තුරේ සිට ත්‍රිකුණාමලය සහ පොතුවිල් හරහා මාතර දක්වා වෙරළට ඔබ්බෙන් වූ මුහුදු ප්‍රදේශවල ස්ථාන කිහිපයක වැසි ඇති විය හැකි බව ද දෙපාර්තමේන්තුව සඳහන් කරයි. දිවයින වටා ඇති අනෙකුත් මුහුදු ප්‍රදේශවල සවස් කාලයේ හෝ රාත්‍රී කාලයේදී වැසි හෝ ගිගුරුම් සහිත වැසි ඇති විය හැක.

සුළුමොහතකට පෙර ප්‍රබල භූකම්පනයක්

සුළං තත්ත්වය:

• සුළං ඊසාන දිශාවෙන් හමා එන අතර, සුළං වේගය පැයට කිලෝමීටර 30-40 පමණ වේ.
• කන්කසන්තුරේ සිට ත්‍රිකුණාමලය සහ පොතුවිල් හරහා හම්බන්තොට දක්වා වෙරළට ඔබ්බෙන් වන මුහුදු ප්‍රදේශවල සුළඟේ වේගය විටින් විට පැයට කිලෝමීටර 60-70 දක්වා වැඩි විය හැක.
• බේරුවල සිට කොළඹ සහ පුත්තලම හරහා කන්කසන්තුරේ දක්වා වෙරළට ඔබ්බෙන් වන මුහුදු ප්‍රදේශවල සුළඟේ වේගය විටින් විට පැයට කිලෝමීටර 50-60 දක්වා ඉහළ යා හැකිය.

කාලගුණ විද්‍යා දෙපාර්තමේන්තුව නාවිකයින්, ධීවරයින් සහ වෙරළබඩ ප්‍රදේශවාසීන්ගෙන් ඉල්ලා සිටින්නේ මෙම අවදානම් තත්ත්වයන් හමුවේ අවශ්‍යතාවයකින් තොරව මුහුදට නොයන ලෙසත්, ආරක්ෂාව පළමුව තබාගෙන ක්‍රියා කරන ලෙසත්ය.

කාලගුණ තත්ත්වයන්හි වෙනස්කම් තිබිය හැකි බැවින්, නිල කාලගුණ වාර්තා හා නිවේදන සඳහා කාලගුණ විද්‍යා දෙපාර්තමේන්තුවේ නිල වෙබ් අඩවිය හෝ සමාජ මාධ්‍ය ගිණුම් නිරන්තරයෙන් අනුගමනය කරන ලෙස දෙපාර්තමේන්තුව ජනතාවගෙන් ඉල්ලා සිටියි.

ඔබේ විදුලි බිලේ අතිරේක ගාස්තුවක්? - මහජනයාට තවත් බරක්

ජීවිතේ හැරෙන මොහොතක්ද? අද ලග්න පලාපල කියන දේ මෙන්න