හිටපු ඇමති සරණට එරෙහි නඩු 4 ක තීන්දු ලබා ලබා දීමට දින දෙයි

ජාතික ලොතරැයි මණ්ඩලයේ සභාපතිවරයා වශයෙන් කටයුතු කළ සමයේ එම ආයතනයට කුලී පදනම මත වාහන මිලදී ගැනීමේදී රජයට පාඩු කළේ යැයි චෝදනා කරමින් හිටපු නියෝජ්‍ය අමාත්‍ය සරණ ගුණවර්ධන මහතාට එරෙහිව අල්ලස් කොමිසම විසින් ගොනු කර ඇති නඩු හතරක තීන්දුව අප්‍රේල් මස 30 වනදා ප්‍රකාශයට පත් කරන බව කොළඹ මහාධිකරණය නිවේදනය කර ඇත.

මෙම නඩුව අද (03) කොළඹ මහාධිකරණ විනිසුරු මොහොමඩ් මිහාල් හමුවේ කැඳවනු ලැබ තිබේ එහිදී නඩූවේ පාර්ශවකරුවන් විසින් වාචික දේශන ඉදිරිපත් කිරීම අවසන් ව තිබේ.

 ඉන් අනතුරුව විනිසුරුවරයා නියෝග කර තිබෙනුයේ මෙම නඩු හතරේ තීන්දුව අප්‍රේල් මස 30 වනදා ප්‍රකාශයට පත් කරන බවයි.

2006 වසරේ ජාතික ලොතරැයි මණ්ඩලයේ සභාපතිවරයා වශයෙන් කටයුතු කරමින් එම ආයතනයට කුලී පදනම මත වාහන ලබා ගැනීමේදී රජයට පාඩුවක් සිදු කළේ යැයි චෝදනා කරමින් අල්ලස් කොමිසම විසින් ඉකුත් යහපාලන රජය සමයේ සරණ ගුණවර්ධන මහතාට එරෙහිව මෙම නඩු ගොනු කර තිබුණි.

මැදපෙරදිග පවතින බිහිසුණු යුධමය වාතාවරණය හේතුවෙන් විදෙස් රටවලට තැපෑල හරහා භාණ්ඩ යැවීමේ ප්‍රමාදයක් - තැපැල්පති

අස්වැසුම ගැන ආරංචියක්