තවත් සුපිරි තරුවක් ජිවන දිවියට සමුදෙයි...

Gagana news Death news Australian cricketer Rod Marsh
By Subodha Mar 04, 2022 08:00 AM GMT
Subodha

Subodha

Report

ක්‍රිකට් පිටියේ “යකඩ අත්වැසුම” යන අන්වර්ථ නාමයෙන් හඳුන්වනු ලැබූ ඕස්ට්‍රේලියානු ප්‍රවීන ක්‍රිකට් ක්‍රීඩක රොඩ් මාෂ් ජීවන ගමනට සමු දී තිබෙනවා.

මිය යනවිට රොඩ් මාෂ් 74 වන වියේ පසු වූ අතර 1970 වර්ෂයේ දී ජාත්‍යන්තර ක්‍රිකට් වරම් හිමිකරගත් ඔහු 1984 වසරේ දී ක්‍රීඩාවෙන් විශ්‍රාම ගියා.

දීර්ඝ කාලයක් ඕස්ට්‍රේලියානු ක්‍රිකට් තේරීම් කමිටු සාමාජිකයෙක් ලෙස කටයුතු කළ ඔහු, කෝමා තත්ත්වයෙන් පසුවන අතරවාරයේ අද උදෑසන ඇඩිලේඩ් නුවර රෝහලක දී ජීවිතයෙන් සමුගෙන ගිය බවයි ඔහුගේ පවුලේ සාමාජිකයින් තහවුරු කළේ.

1970 වසරේ නොවැම්බර් මස 27 වනදා එංගලන්තයට එරෙහිව බ්‍රිස්බේන් හිදී සිය ජාත්‍යන්තර ක්‍රිකට් දිවිය ආරම්භ කළ රොඩ් මාෂ් 1984 වසරේ පෙබරවාරි මස 12 වනදා ජාත්‍යන්තර ක්‍රිකට් පිටියේ සමුගන්නා විට ඕස්ට්‍රේලියාව වෙනුවෙන් ටෙස්ට් තරග 96කට සහ එක්දින තරග 92කට ක්‍රීඩා කර තිබුණා.

රොඩ් මාෂ් ලෝක වාර්තා අතර එක්වුණේ ටෙස්ට් තරග 96කදී කඩුල්ල පසුපස සිට දවාගැනීම් 335ක් ලබාගැනීමත් සමඟයි.

මීට අමතරව ඕස්ට්‍රේලියාව වෙනුවෙන් ටෙස්ට් ශතකයක් රැස්කළ පළමු කඩුලු රකිනා රොඩ් මාෂ් වීමද විශේෂත්වයක්.   


සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න....
JOIN NOW