ශ්‍රී ලංකා මහජන සෞඛ්‍ය පරීක්‍ෂකවරුන්ගේ සංගමයෙන් අනතුරු ඇඟවීමක්

රට තුළ පවතින කොවිඩ් වසංගත තත්ත්වය අවබෝධ කර ගනිමින් ජනතාව කටයුතු නොකළහොත් එම රෝග ව්‍යාප්තිය වැළැක්වීම සෞඛ්‍ය අංශවල පාලනයෙන් ගිලිහී යා හැකි බව ශ්‍රී ලංකා මහජන සෞඛ්‍ය පරීක්‍ෂකවරුන්ගේ සංගමය පවසනවා.

එහි ලේකම් මහේන්ද්‍ර බාලසූරිය මහතා වෙත කියා සිටියේ අලුත් අවුරුදු සමයේ ජනතාව ක්‍රියාකල ආකාරය මේ වනවිට මතුව ඇති කොරෝනා වෛරසයේ සීග්‍ර ව්‍යාප්තියට හේතුවී ඇති බවයි.

මේ වනවිට දිවයිනේ සියළුම දිස්ත්‍රික්කවලින් කොරෝනා ආසාදිතයින් වාර්තා වන බැවින් රටේ සෑම ප්‍රදේශයකම පුද්ගලයින් උපරිම වශයෙන් සෞඛ්‍ය ආරක්‍ෂිතව කටයුතු කළයුතු බවද ශ්‍රී ලංකා මහජන සෞඛ්‍ය පරීක්‍ෂකවරුන්ගේ සංගමයේ ලේකම්වරයා වැඩිදුරටත් සදහන් කළා.