පොදු ස්ථානවලදී සම්පූර්ණයෙන්ම මුහුණු ආවරණය කිරීම තහනම් කිරීමට පනත් කෙටුම්පතක්

පොදු ස්ථානවලදී සම්පූර්ණයෙන්ම මුහුණු අවරණය කිරීම තහනම් කිරීමට පනත් කෙටුම්පතක් සකස් කිරීමට තීරණය කර ඇති බව කැබිනට් ප්‍රකාශක, අමාත්‍ය කෙහෙළිය රඹුක්වැල්ල මහතා පැවසීය.

අමාත්‍ය මණ්ඩල තීරණ දැනුම්දීමේ අද (27) පැවැති මාධ්‍ය සාකච්ඡාවේදී කැබිනට් ප්‍රකාශකවරයා ඒ බව පැවසීය. එහිදී වැඩිදුරටත් අදහස් දැක්වූ කැබිනට් ප්‍රකාශකවරයා පැවසූවේ,

"පොදු ස්ථානයන් හි සම්පූර්ණයෙන්ම මුහුණු ආවරණය කිරීම නිසා පුද්ගල අනන්‍යතාවය තහවුරු කරගැනීමට දුෂ්කර වන නිසා සහ ජාතික ආරක්ෂාව, ත්‍රස්තවාදය යන කාරණා සම්බන්ධයේදී ගැටලුකාරී තත්ත්වයක් පැණ නැගී ඇත.

සම්පූර්ණ මුහුණු ආවරණය කිරීම සමහර රටවල් විසින් දැනටමත් ව්‍යවස්ථා මගින් තහනම් කර ඇති බව සඳහන් කළ යුතුය. එය ජාතික ආරක්ෂාවට තර්ජනයක් වන මට්ටමෙන් තිබේ නම් එය තහනම් කිරීමට කෙටුම්පතක් සකස් කිරීමක්." බවය