වෛද්‍යවරුන්ගේ වෘත්තීය ක්‍රියාමාර්ගයන් අත්හිටුවයි

රජයේ වෛද්‍ය නිලධාරීන්ගේ සංගමය (GMOA) දින 10ක් පුරා දියත් කළ වෘත්තීය සමිති ක්‍රියාමාර්ග තාවකාලිකව අත්හිටුවීමට තීරණය කර තිබේ.

දැනට මුළු රටම දැඩි ආපදා තත්ත්වයකට මුහුණ දී සිටින මොහොතක ජනතාවගේ ජීවිත බේරා ගැනීමට සහ ඔවුන්ට අත්‍යවශ්‍ය සෞඛ්‍ය සේවා ලබාදීමට ප්‍රමුඛත්වය ලබාදිය යුතු බව සංගමයේ විධායක කමිටුව ඒකමතිකව තීරණය කර ඇත.

ඊයේ (27) පැවති හදිසි විධායක සභා රැස්වීමේදී මෙම තීරණය ගෙන ඇති බව සංගමයේ මාධ්‍ය ප්‍රකාශක වෛද්‍ය චමිල් විජේසිංහ මහතා පැවසීය.

අයහපත් කාලගුණය - ජංගම සහ අන්තර්ජාල සන්නිවේදන බිඳවැටේ..

“මේ මොහොතේ අපේ රට ආපදාවකට ගොදුරු වී තිබෙන වෙලාවක ජනතාවට හැකි උපරිම සෞඛ්‍ය සේවාව ලබාදීම සහ ඔවුන්ගේ ජීවිත ආරක්ෂා කිරීම අපේ ප්‍රධානතම යුතුකම වේ” 

යනුවෙන් ඔවුන් අවධාරණය කළේය.

දින 10ක් පුරා පැවති වෘත්තීය ක්‍රියාමාර්ග කාලය තුළදී කිසිදු රෝහලක හදිසි අනතුරු හෝ අත්‍යවශ්‍ය සේවාවන්හි කිසිදු බාධාවක් සිදුනොවූ බවත්, එය ඉතිහාසයේ පැවති සියලුම වෘත්තීය ක්‍රියාමාර්ගවලදීම ආදර්ශයට ගත් සම්ප්‍රදායක් බවත් වෛද්‍ය විජේසිංහ මහතා සඳහන් කළේය.

ඉන්දියානු ගලවාගැනීමේ කණ්ඩායමක් ලංකාවට