මෙට්‍රෝ බස්වලට පස්සේ කොළඹට එන අලුත්ම විදුලි දුම්රිය- මගීන්ට ලැබෙන නවතම පහසුකම මෙන්න

කොළඹ නගරය සහ තදාසන්න ප්‍රදේශ ආවරණය වන පරිදි නව විදුලි දුම්රිය ව්‍යාපෘතියක කටයුතු ලබන වසරේදී ආරම්භ කිරීමට නියමිත බව පළාත් සභා සහ පළාත් පාලන නියෝජ්‍ය අමාත්‍ය රුවන් සෙනරත් මහතා සදහන් කර තිබේ එතුමා වැඩිදුරටත් සදහන් කළේ ඒ සඳහා අවශ්‍ය මූලික සැලසුම් මේ වන විටත් සකස් කර අවසන් බව හම්බන්තොට පැවැති ජනහමුවකට එක්වෙමිනි .

මෙම විදුලි දුම්රිය සේවාව මරදානෙන් ආරම්භ කිරීමට නියමිතය

තවද ඒ ඔස්සේ මහජනතාවට වඩාත් කාර්යක්ෂම හා උසස් ප්‍රවාහන පහසුකමක් සැලසීම රජයේ අරමුණ වන බව ද නියෝජ්‍ය අමාත්‍යවරයා වැඩිදුරටත් සදහන් කර ඇත නියෝජ්‍ය අමාත්‍යවරයා මෙහිදී පෙන්වා දුන්නේය .

බෙලියත්තේ සිට ‘රුහුණු කුමාරි’ දුම්රියෙන් පැමිණෙන මගීන්ට පානදුරෙන් බැස විදුලි දුම්රිය මගින් කොළඹ නගරයට ළඟාවීමට අවස්ථාව හිමිවන බවයි .

මීට අමතරව රටේ ප්‍රවාහන හා මහාමාර්ග පද්ධතියේ ප්‍රමාද වී තිබූ සංවර්ධන කටයුතු රැසක් නැවත ආරම්භ කර ඇති බව ද නියෝජ්‍ය අමාත්‍ය රුවන් සෙනරත් මහතා මෙහිදී අවධාරණය කර ඇත.

එළැඹෙන 25 වැනිදා සිට - දිවයිනේ ප්‍රදේශ කිහිපයකට වැසි, තවත් ප්‍රදේශ කිහිපයකට දැඩි හිරු රශ්මියක් කාලගුණයෙන් හදිසි නිවේදනයක්

මේ පිළිබද වැඩිදුරටත් අදහස් දැක්වූ පළාත් සභා සහ පළාත් පාලන නියෝජ්‍ය අමාත්‍ය රුවන් සෙනරත් මහතා සදහන් කළේ මෙවැන්නක්

"අපි ගෙනාවා මෙට්‍රෝ බස්.කොළඹ ඇතුළු නගරාසන්න ප්‍රදේශවලට දැන් මෙට්‍රෝ බස් යනවා. ඉතා හොඳ පහසුකම් යටතේ යන්නේ. බස් ගෙනාවා, බස් ගැමුණුට එළාර වැහෙනවා. ගැමුණු කෑගහනවා. මං අහගෙන ගැමුණු කියනවා 'මේ ආණ්ඩුවක් ඇවිල්ලා ආණ්ඩුවේ ප්‍රවාහන සේවය ශක්තිමත් කරනවා' කියල. ඉතින් අපි ආවේ ඕකටනේ! ඇයි ඔයා කලබල වෙන්නේ? ඕගොල්ලෝ කලබල වෙන්න එපා. අපි මේ රට හදනවා. අපි විදුලි දුම්රිය මාර්ග ආරම්භ කරනවා ලබන අවුරුද්දේ. මරදානෙන් පටන් අරන් නගරාසන්න විදුලි දුම්රිය මාර්ග. ඔබට පුළුවන් වෙනවා බෙලියත්තෙන් රුහුණු කුමාරි නැග්ගොත් පානදුරෙන් බැහැලා විදුලි දුම්රියෙන් යන්න. අපි ඒ සැලැස්ම හදනවනේ. අපි ලබන අවුරුද්ද වෙනකොට පටන් ගන්නවා. ඇයි මිනිස්සුන්ට හොඳ ප්‍රවාහනයක් ඕනේ නැද්ද? ලෝකයේ තියෙන හොඳ දේවල් ගෙනත් දෙන්න ඕනේ නැද්ද? ගෙනත් දෙන්න ඕනේ. ඒගොල්ලෝ විතරද යන්න ඕනේ? අපි හයිවේ හදනවනේ.

අවුරුදු ගානක් තිස්සේ නුවරට යන්න විදියක් නැහැ. කටුනායක මීරිගම... ඒ පාරේ ඉතුරු ටික හැදුවේ නැහැ. අන්න අපි හදන්න පටන් ගත්තා. මේ අවුරුද්දේ අපිට ගොඩක් දේවල් අවසන් කරගන්න පුළුවන්. මෙහෙ ඉඳලා පැයක් යනවා නම් කටුනායක ඉඳලා මීරිගමට යන්න පැය දෙකක් විතර ඉන්නවා, අර පොඩි ප්‍රමාණය. අපි හදන්න පටන් ගත්තා.අපේ රටේ ජනතාවගේ බදු සල්ලි එක සත පහක් ණයට ගත්තේ නැහැ, රුපියල් බිලියන 112ක් කුරුණෑගල ගලගෙදර අධිවේගී මාර්ගය දැන් වැඩ ආරම්භ කරලා තිබෙනවා. පටන් ගත්තා. කවුද වැඩ කරන්නේ නැහැ කියන්නේ? ඇයි මේවා වැඩ නෙමෙයිද? ඒවාත් වැඩ"