දරු ප්‍රසුතියට ආසන්න බිරිදගේ බඩ පාගා ඇද පොල්ලෙන් ගසා සැමියා කළ අපරාදය
Thaya
තරුණ සැමියෙකු තම බිරිදගේ දරු ප්‍රසූතියට ආසන්නව සිටියදි හිසට සහ උදරයට ඇඳ පොල්ලකින් පහරදී උදරය පාගා ඇය මරාදැමීමට උත්සාහ කල වරදට මේ මස 24දා දක්වා රක්ෂිත බන්ධනාගාරගත කරන ලෙස අනුරාධපුර ප්‍රධාන මහෙස්ත්‍රාත්වරයා නියෝග කර තිබෙනවා. බිරිඳගේ ගර්භයේ සිටි බිළිඳා මරාදැමූ බවට ද සැකපිට අත්අඩංගුවට ගෙන අධිකරණයට ඉදිරිපත් කරන ලද පුද්ගලයාට චෝදනා එල්ල වනවා.
මෙසේ රක්ෂිත බන්ධනාගාරගත කෙරුණේ වන්නම්කුලම උට්ටිමඩුව තිරප්පනය ප්‍රදේශයේ පදිංචි තරුණයෙකුයි.සැකකරු අධිකරණයට ඉදිරිපත් කළ තිරප්පනය පොලිසියේ නඩු මෙහෙයුම් අංශය කියා සිටියේ, සැකකරුගේ 40 හැවිරිදි බිරිය වන දෙදරු මව අනුරාධපුර ශික්ෂණ රෝහලේ පොලිස් මුරපොළට සිදුකර තිබෙන පැමිණිල්ලකට අනුව සැකකරු අත්අඩංගුවට ගනු ලැබුවේ පැමිණිල්ල ඉල්ලා අස්කර ගන්නා ලෙස බිරියට තර්ජනය කිරීමට රෝහලට පැමිණි අවස්ථාවේදී බවයි.
පසුගියදා සැකකරු බිරිය නිවෙසට ගෙන්වාගෙන “තෝ ජීවත්වෙලා හිටියොත් තමයි මට නඩු” කියමින් ස්ටූලයකින් හිස පුපුරා යන අන්දමින් පහරදී පාළු හේන් යායකට ඇදගෙන ගොස් බිම දමා පාගා උදරයට ඇඳ පොල්ලකින් අමානුෂිකව පහරදී ඇයව පාළු පැලක දමා නිවෙසට පැමිණ ඇති බව පොලිසිය අධිකරණයට දැනුම් දුන්නා.
