කොවිඩ් ක්රියාකාරී කාර්ය සාධක කමිටුව විශේෂ රැස්වීමේදී ගත් තීරණ
කොවිඩ් වෛරසය සිඝ්රයෙන් පැතිරී යාම හේතුවෙන් කොවිඩ් මර්දනය සඳහා ක්රියාමාර්ග හා දැඩි තීන්දු තීරණ ගැනීමට විශේෂ ක්රියාකාරී කාර්යසාධන සමාලෝචන කමිටුවේ විශේෂ රැස්වීමක් අද (10)දින සෞඛ්ය අමාත්යාංශයේ ශ්රවණාගාරයේ දී පැවැත්වුණා.
ඒ, සෞඛ්ය අමාත්ය පවිත්රා වන්නිආරච්චි මහත්මියගේ ප්රධානත්වයෙන්.
මෙම කාර්යසාධන සමාලෝචන කමිටුවේ සාමාජිකයින් ලෙස වෛද්ය පරිපාලකයන්, පරිපාලන සේවයේ නිළධාරීන් හා විශේෂඥ වෛද්යවරුන්, මහාචාර්යවරුන් කටයුතු කරනවා.
කොළඹ, කළුතර, ගම්පහ යන දිස්ත්රික්ක වලට ප්රමුඛතාවය ලබාදෙමින් අනෙකුත් දිස්ත්රික්කවල ද කොවිඩ් එන්නත්කරණ වැඩපිළිවෙල කඩිනමින් ශක්තිමත් කිරිම.
ප්රාදේශීය සෞඛ්ය වෛද්ය නිලධාරි බල ප්රදේශවල දැනට ක්රියාත්මක එන්නත්කරණ මධ්යස්ථාන ප්රමාණය දෙගුණයක් දක්වා වැඩි කිරිම.
දිස්ත්රික්ක මට්ටමින් රසායනාගාර වැඩිකිරිම තුලින් පි.සි.ආර් පරීක්ෂණ ප්රමාණය තවදුරටත් වැඩි කිරිම සහ ක්ෂණික ප්රතිදේහ පරීක්ෂණ සංඛ්යාව වැඩි කිරීම.
දැනට පරීක්ෂණ කටයුතු සදහා එකතු වී ඇති සම්පල පරීක්ෂණ වාර්තා කඩිනමින් නිකුත් කිරීමට කටයුතු කිරීම.
පි.සි.ආර් පරීක්ෂණ වලට භාජනය වන පුද්ගලයින් නිවෙස් වලින් බැහරට යාම වැළැක්වීම සදහා වැඩ පිළිවෙලක් සකස් කිරිම.
මේ වන විට සැකසෙමින් පවතින ප්රතිකාර මධ්යස්ථානවලට අවශ්ය ඔක්සිජන් ඇතුලු අනෙකුත් පහසුකම් කඩිනමින් ලබාදීම සහ අනෙකුත් වෛද්ය උපකරණ ඉතාමත් කඩිනමින් මිල දී ගෙන මධ්යස්ථාන වෙත ලබාදීම.
පි.සි.ආර් රසායනාගාර දිස්ත්රික් මට්ටමින් වැඩි කිරිම සහ ඒ සදහා අවශ්ය මුල්ය ප්රතිපාදන කොවිඩ් මර්දන අරමුදල මගින් ලබාදීමට අවශ්ය පියවර ගන්නා බව සෞඛ්ය අමාත්ය පවිත්රා වන්නිආරච්චි මෙහිදී දන්වනු ලැබුවා.
කොවිඩ් තාක්ෂණ කමිටුව අද දින (10) රැස්වී තවදුරටත් ගත යුතු ඉදිරි ක්රියාමාර්ග පිළිබඳව තීන්දු තීරණ ගෙන ඒ පිළිබදව වාර්තාවක් ජනාධිපතිවරයා වෙත ලබාදීමට කටයුතු කරන ලෙස සෞඛ්ය අමාත්යවරිය අමාත්යාංශ නිලධාරීන්ට අවධාරණය කර ඇති බවයි වාර්තා වන්නේ.