පොලිස් කොස්තාපල් බඳවාගැනීමේ අවසන් සම්මුඛ පරීක්ෂණය තාවකාලිකව අත්හිටුවයි

වර්තමාන අයහපත් කාලගුණික තත්ත්වය සහ රට පුරා ඇති වූ ජල ගැලීම් හමුවේ, පොලිස් කොස්තාපල් (පිරිමි/කාන්තා) තනතුර සඳහා නියමිත අවසන් සම්මුඛ පරීක්ෂණය තාවකාලිකව අවලංගු කර ඇති බව ශ්‍රී ලංකා පොලිසිය නිල වශයෙන් දැනුම් දෙයි.

දෙසැම්බර් 02, 03, 05 සහ 09 යන දිනයන්හිදී පැවැත්වීමට නියමිතව තිබූ සම්මුඛ පරීක්ෂණ සියල්ලම අත්හිටුවා ඇත.

අයදුම්කරුවන්ට බොහෝ දෙනෙකුට මේ දිනවල සම්මුඛ පරීක්ෂණයට පැමිණීමට මාර්ග අවහිරතා, ගමන් අපහසුතා සහ ආරක්ෂක ගැටලු හේතුවෙන් බරපතල බාධා ඇති වී ඇති බැවින් මෙම තීරණය ගෙන තිබේ.

නව දිනයන් පිළිබඳව තීරණය වූ පසු වහාම පොලිස් මූලස්ථාන වෙබ් අඩවිය (www.police.lk) සහ පොලිස් මාධ්‍ය අංශය හරහා දැනුම් දෙන බව පොලිසිය සඳහන් කරයි.