කැරලයින් ජූරි ගෙන් විනිශ්චය මණ්ඩලයට සපත්තු ප්‍රහාරයක්!!!…- රෝසි කියයි.

කොළඹ නෙළුම් පොකුණ රඟහලේදී පැවති විවාහක රූ රැජින තරඟයේ දී සිදුවූ සිදුවීම ඉතාම කනගාටුදායක බව ශ්‍රී ලංකා ලෝක විවාහක රූ රජිනක් වන කොළඹ නගරාධිපතිනි රෝසි සේනානායක මහත්මිය සඳහන් කරයි. කාන්තාවක් මේ ආකාරයෙන් වේදිකාවක හැසිරුණු තමන් කිසිම දිනක දැක නැති බව ද ඇය සඳහන් කළා ය. ලෝක විවාහක රූ රැජින වූ කැරලයින් ජූරි ගේ මෙම කටයුත්ත එම තරගය විනිශ්චය කල ගෞරවණීය විනිශ්චය මණ්ඩලයට සපත්තුවෙන් ගැහුවා සේ සැලකිය හැකි බව ද ඇය පැවසීය. අදාල උත්සවයට සහභාගි වී තමන් ඇතුළු පිරිස නිවසට යාමටත් පෙර මෙම අශෝභන කටයුත්ත කර ඇති බවද පැවසූ ඇය මෙය ඉතාම අවාසනාවන්ත තත්වයක් ඇයිද කියා සිටියාය.