බස් රථ ධාවනයේ තවමත් අඩුවක් - සේවකයින් නිවාඩු ගැනීම හේතුව බව ලංගමය කියයි

 බස්රථ ධාවනය මේ වනවිට යථා තත්ත්වයට පත් වෙමින් ඇති බව ලංකා ගමනාගමන මණ්ඩලය පවසනවා. මගී ජනතාවගේ අවශ්‍යතා පරිදි දුර ගමන් සේවා සහ අධිවේගී මාර්ගවල ලංගම බස්රථ ධාවනය මේ වනවිට සිදු වන බවයි ලංකා ගමනාගමන මණ්ඩලයේ නියෝජ්‍ය සාමාන්‍යාධිකාරී ධාවන පණ්ඩුක ස්වර්ණහංස පැවසුවේ. අද අළුයම් කාලයේ බස් රථ ධාවනය අවම මට්ටමක පැවතීමට හේතුව ලංගම සේවකයින් ගම්බිම් බලාගොස් තිබීම බව ද මෙහිදී ප්‍රකාශ කෙරුණා.