බහින් බස්විම දුරදිග ගොස් අයෙක් මරුට ..සැකකරු පොලිස් අත්අඩංගුවේ

මුදල් ගණදෙනුවක් සම්බන්ධයෙන් දෙදෙනෙකු අතර ඇතිවු බහින් බස් වීමක් දුරදිග ගොස් පහරදීමකින් ඔලුවට බරපතල තුවාල සිදුවු පුද්ගලයකු ප්‍රතිකාර සදහා ගම්පහ මුලික රෝහලට ඇතුළත් කිරිමෙන් පසු මිය ගොස් තිබේ.

මේසේ මිය ගොස් ඇත්තේ 50 හැවිරිදි දැරණියගල පදිංචි යමානුන්ගේ රාජපක්ෂ නොහොත් සුරාජ් යන අය බව ගම්පහ පොලිසිය පවසයි.

මුදල් හිමිකරු ණය ලබාගත් පුද්ගලයා සොයා එම ණය මුදලක් ඉල්ලීමට වැලිකඩ මාබිම ප්‍රදේශයේ නිවසකට ගොස් ඇති අතර අදාල නිවස වැරදී වෙනත් නිවසට යාම හේතුවෙන් එම නිවසේ බෝඩින් වී සිටි අයකු සමගින් මෙම බහින්බස් වීමක් ඇතිවි ගුටිබැට හුවමාරුවක් නතර වී තිබේ.. එහිදී අදාල පුද්ගලයාගේ හිසට පහරදීමේන් ඇතිවු බරපතල තුවාල හේතුවෙන් මෙම මරණය සිදු වී ඇතැයිද පොලිසිය පවසයි.

පහරදීම සිදු කළ හතළිස් හැවිරිදි සැකකරු ගම්පහ පොලිසියේ අපරාධ අංශයේ නිලධාරීන් වහාම ක්‍රියාත්මක වී අත්අඩංගුවට ගත් අතර ගම්පහ මහේස්ත්‍රාත් අධිකරණයට ඉදිරිපත් කිීරීමට නියමිතය.

ගම්පහ ජේෂ්ඨ පොලිස් අධිකාරී කේ.කේ.ඉන්දික සිල්වා,සහකාර පොලිස් අධිකාරී 1 තුසිත කුමාර ,ගම්පහ මුලස්ථාන පොලිස් පරීක්ෂක ,ප්‍රධාන පොලිස් පරීක්ෂක මඩවල යන මහත්වරුන්ගේ උපදෙස් මත,අපරාධ විමර්ශන අංශයේ ස්ථානාධිපති, පොලිස් පරීක්ෂක නිරෝෂන් දිල්රුක්,පොලිස් පරීක්ෂක ජයසිංහ,උප පරීක්ෂක වෙනුර රණසිංහ, සැරයන් වරුන්වන රොෂාන්,ජනක , ජයතිලක , කොස්තාපල් දිසානායක ,තෙන්නකොන් යන මහත්වරු සිද්ධිය සම්බන්ධයෙන් වැඩි දුර පරීක්ෂණ පවත්වති..