ජනපති සිකුරාදා පාර්ලිමේන්තුව අමතයි

එළඹෙන සිකුරාදා (20) ජනාධිපති අනුර කුමාර දිසානායක මහතා පාර්ලිමේන්තුව ඇමතීමට නියමිත බව සභානායක බිමල් රත්නායක මහතා ප්‍රකාශ කළේය.

ඊයේ  පාර්ලිමේන්තුවේදී මෙම නිවේදනය සිදු කළ සභානායකවරයා පැවසුවේ, ජනාධිපතිවරයාගේ මෙම විශේෂ ප්‍රකාශයේදී විපක්ෂයේ පක්ෂ නායකයින්ටද ඔහු සමඟ සාකච්ඡා කිරීමට අවස්ථාව ලැබෙන බවයි.

මෙම ප්‍රකාශය මධ්‍යපෙරදිග යුද්ධ තත්ත්වය සම්බන්ධයෙන් විශේෂයෙන් සිදුවන බව ද සභානායකවරයා සඳහන් කළේය. ජනාධිපතිවරයා අද (17) රාත්‍රී 7:30ට ජාතිය අමතා විශේෂ මාධ්‍ය ප්‍රකාශයක්ද සිදු කරන බවත් වාර්තා වේ.

මෙය ජනාධිපති අනුර කුමාර දිසානායක මහතාගේ පාර්ලිමේන්තු ඇමතුම් මාලාවේ තවත් එකක් වන අතර, රටේ ආර්ථික, ජාත්‍යන්තර තත්ත්වයන් හා මධ්‍යපෙරදිග ගැටුම්වල බලපෑම් පිළිබඳව සාකච්ඡා කිරීමට බලාපොරොත්තු වේ.

නයිජීරියාවේ මරාගෙන මැරෙන බෝම්බ ප්‍රහාර - 23 දෙනෙකු මරුට

ලරිජානි ඝාතනයට ප්‍රතිචාරයක් ලෙස ඉරානයේ දරුණු පළිගැනීම