වී අලෙවි මණ්ඩලය සතු වී තොග අලෙවි කිරීමට අනුමැතිය

වී අලෙවි මණ්ඩලය සතු ගබඩාවල දැනට ඉතිරිව පවතින සියලුම වී තොග විවෘත වෙළඳපොළේ අලෙවි කිරීම සඳහා අමාත්‍ය මණ්ඩලයේ නිල අනුමැතිය හිමිව තිබේ.

මණ්ඩලය විසින් විවිධ කන්නවලදී ගොවීන්ගෙන් සෘජුවම මිලදී ගන්නා ලද වී මෙට්‍රික්ටොන් 115,000 කට ආසන්න දැවැන්ත ප්‍රමාණයක් මේ වන විට දිවයින පුරා පිහිටි රජයේ ගබඩාවල තැන්පත් කර ඇත.

සුබම සුබ ආරංචියක් - රජයෙන් මේ අයට රුපියල් 5000ක්

එළඹෙන යල කන්නයේදී ගොවි ජනතාවගෙන් අලුතින් අස්වැන්න මිලදී ගැනීමට අවශ්‍ය මූල්‍ය ප්‍රතිපාදන සපයා ගැනීම සහ ඒ සඳහා ගබඩාවල ප්‍රමාණවත් ඉඩකඩක් වෙන්කරවා ගැනීම මූලික කරගනිමින් මෙම වී තොග කඩිනමින් අලෙවි කිරීමට රජය තීරණය කර තිබේ.

ඒ අනුව, කිසිදු අක්‍රමිකතාවකින් තොරව විනිවිදභාවයකින් යුතුව මෙම ක්‍රියාවලිය සිදු කිරීම සඳහා විධිමත් ටෙන්ඩර් (Tender) ක්‍රමවේදයක් අනුගමනය කිරීමට නියමිතය. කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යවරයා විසින් මේ සම්බන්ධයෙන් ඉදිරිපත් කරන ලද විශේෂ කැබිනට් පත්‍රිකාවට මෙලෙස අමාත්‍ය මණ්ඩලයේ පූර්ණ එකඟතාවය හිමිව ඇත.

අමාත්‍යවරුන්ගේ ඉන්ධන කෝටා හා වරප්‍රසාද අඩු කරයි - ඒ මුදල මේ ප්‍රජාවට ලබාදෙන්න සූදානමක්

මෙමඟින් ඉදිරි යල කන්නයේදී ගොවීන්ගේ අස්වැන්න මිලදී ගැනීමේ රජයේ වැඩපිළිවෙළ වඩාත් ක්‍රමවත් හා ශක්තිමත් වනු ඇතැයි අපේක්ෂා කෙරේ.