අද සිට දින 03 කට ඇරඹෙන විශේෂ පොලිස් මෙහෙයුමක්

නිරෝධායන රීතින්වලට පටහැනිව ක්‍රියාකරන පුද්ගලයන් අත්අඩංගුවට ගැනීම සදහා අද (29) සිට අනිද්දා දක්වා දිවයිනපුරා විශේෂ පොලිස් මෙහෙයුමක් ක්‍රියාත්මක කිරීමට සැලසුම් කර තිබෙනවා.

අවසර නොගෙන සංවිධාන කරන සාද සහ කණ්ඩායම් වශයෙන් රැස්වන ක්‍රියාකාරකම් වැටලීමට පියවර ගන්නා බවයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා කියා සිටියේ.

නිරෝධායන රීතින් උල්ලංඝණය කිරීම සම්බන්ධයෙන් ඔක්තෝබර් 30 වනදා සිට අත්අඩංගුවට ගත් පිරිස අතරින් වැඩි සංඛ්‍යාවකට මේවනවිට නඩු පවරා අධිකරණය මගින් දඩ නියම කර ඇති බවද නියෝජ්‍ය පොලිස්පති අජිත් රෝහණ මහතා සදහන් කළා.

එමෙන්ම පසුගිය පැය 24 තුල තවත් පුද්ගලයින් 28 දෙනෙකු අත්අඩංගුවට ගෙන ඇති බවත් ඔහු කියා සිටියා.