සියලුම පෙර පාසල්වලට අලුත් වෙනසක් - ගුරුවරුන්ට රජයෙන් ලැබෙන දේ මෙන්න

එළැඹෙන 2027 වසර වන විට ශ්‍රී ලංකාවේ සමස්ත පළාත් නවයටම පොදුවේ බලපාන පරිදි එකම විද්‍යාත්මක පෙර පාසල් අධ්‍යාපන ක්‍රමවේදයක් නිල වශයෙන් ක්‍රියාත්මක කිරීමට පියවර ගන්නා බව කාන්තා හා ළමා කටයුතු අමාත්‍ය සරෝජා සාවිත්‍රී පෝද්රාජ් මහත්මිය පැවැසුවාය.

දිවයිනේ තෝරාගත් පෙර පාසල් ගුරුවරුන් 500 දෙනකු සඳහා උසස් ඩිප්ලෝමා සහතික පත්‍ර ලබාදීම වෙනුවෙන් ක්‍රියාත්මක කිරීමට යෝජිත විශේෂ අධ්‍යාපනික වැඩසටහනට නිල වශයෙන් ගිවිසුම්ගත වීමේ සුවිශේෂී අවස්ථාවට ප්‍රධාන අමුත්තා ලෙස සහභාගී වෙමින් අමාත්‍යවරිය මේ බව කියා සිටියාය.

විශේෂ දැනුම්දීමක් මේ අය අනිවාර්යයෙන් ලියාපදිංචි වෙන්න - ජූලි 01 දා සිට දිවයින පුරා ක්‍රියාත්මකයි

කොළඹ පිහිටි බස්නාහිර පළාත් සභා ශ්‍රවණාගාරයේදී මෙම නිල උත්සවය ඉතාමත් උත්කර්ෂවත් අන්දමින් පැවැත්විණි. බස්නාහිර පළාත් අධ්‍යාපන දෙපාර්තමේන්තුව සහ මොස්වර්ල්ඩ් මාටිනස් පදනම යන ආයතන දෙක ඒකාබද්ධව මෙම කාලෝචිත මානුෂීය වැඩසටහන සාර්ථකව ක්‍රියාත්මක කරනු ලබයි.

පාස්කු ප්‍රහාරයේ සැබෑ ප්‍රතිලාභියා වෙන කවුරුවත් නෙවෙයි කාදිනල්තුමන්.. හීන් සැරේ ගහපු ගේම ගම්මන්පිල රටටම එළි කරයි

මෙහිදී පෙර පාසල් ගුරුවරුන් සඳහා වන උසස් ඩිප්ලෝමා පාඨමාලා හැදෑරීමේ සහ සහතික පත්‍ර ලබාදීමේ සමස්ත ක්‍රියාවලිය ජාතික අධ්‍යාපන ආයතනය සහ ශ්‍රී ලංකා විවෘත විශ්ව විද්‍යාලය මගින් නිසි ප්‍රමිතීන්ට අනුව සිදු කිරීමට නියමිතය.

උපරිම වසර 3 ක කාලයක් ඇතුලත මෙම සමස්ත පුහුණු වැඩසටහන සම්පූර්ණයෙන්ම නිම කිරීමට ද සැලසුම් කර තිබේ.

සමස්ත ව්‍යාපෘතිය යටතේ අංගසම්පූර්ණ ආදර්ශ පෙර පාසල් 2 ක් අලුතින්ම පිහිටුවීම, පෙර පාසල් ගුරුවරුන් 1000 ක් වසර 3 ක කාලසීමාවක් තුළදී ක්‍රමවත්ව පුහුණු කිරීම, තෝරාගත් පෙර පාසල් සදහා නවීන ඉගෙනුම් උපකරණ සහ වටිනා කියවීම් පොත් නොමිලේ ලබාදීම, ළමුන්ගේ මුල් ළමාවිය සංවර්ධනය පිළිබඳව විශේෂ මාපිය දැනුවත් කිරීම් වැඩසටහන් මාලාවක් පැවැත්වීම මෙන්ම ජංගම කියවීම් මධ්‍යස්ථාන නිසි පරිදි පිහිටුවීම ද මෙම පුළුල් වෘත්තීය වැඩසටහනට ඇතුලත් වන බව ද අමාත්‍යවරිය එහිදී වැඩිදුරටත් සඳහන් කළාය.