හෙට සිට සංචාරක සීමා වලට අදාළ නිර්ණායක

හෙට 17 සඳුදා සිට

දැනට ක්‍රියාත්මක වන ගමන් තහනම අලුයම 4.00 ට ඉවත් කෙරේ.

මැයි 31 වන දින දක්වා දිනපතා රාත්‍රී 11.00 සිට අලුයම 4.00 දක්වා ගමන් තහනම් පනවනු ලැබේ.

 දැනට ක්‍රියාත්මක වන අන්තර් පළාත් සංචාරක සීමාවන් අඛණ්ඩව ක්‍රියාත්මක වේ.

 රැකියාව සඳහා පිටත්ව යන අය හැර සෙසු අයට තම නිවෙස්වලින් පිටව යා හැක්කේ ජාතික හැඳුනුම්පතේ අවසාන ඉලක්කම් මත පදනම්ව පමණි. ජාතික හැඳුනුම්පතේ අවසාන ඉලක්කම් 1,3,5,7,9 නම්, කෙනෙකුට නිවසින් පිටවිය හැක්කේ ඔත්තේ දිනවල පමණි. ජාතික හැඳුනුම්පතේ අවසාන ඉලක්කම්  0 ද ඇතුළුව් ,2,4,6,8  ඉරට්ටේ  සංඛ්‍යාවක් නම්, කෙනෙකුට ඉරට්ටේ දිනවලදී තම නිවෙස් අතහැර යා හැකිය.

උදා: හෙට (17) ඔත්තේ දිනයක් බැවින්, ජාතික හැඳුනුම්පතේ අවසාන ඉලක්කම් ලෙස ඔත්තේ අංකයක් ඇති අයට පමණක් තම නිවෙසෙන් බැහැරව යාමට අවසර ඇත. නිල වැඩ කටයුතු සඳහා පිටත්ව යන අයට මෙම තහනම අදාළ නොවේ