නැගණියන් තිදෙනා බරපතළ ලෙස අපයෝජනය කළ 12 වියේ සිසුවා...ලොකු අම්මා නිවසේ ඇඳමත සිදුවීම දකී.

සිය නිවුන් නැගණියන් දෙදෙනා සහ එම වයසේම පසුවන ලොකු අම්මාගේ දියණිය බරපතළ අපයෝජනයට ලක් කළැයි සැකපිට 12 හැවිරිදි පිරිමි ළමයෙකුට එරෙහිව පැමිණිල්ලක් ලැබී ඇති බව බෝගහකුඹුර පොලීසිය පවසනවා.

මෙම ගැහැනු ළමුන් තිදෙනා සහ සැකකාර වැඩිමල් සහෝදරයා නිරුවත්ව ඇඳ මත සිටිනු දුටු ලොකු අම්මා විසින් සැකකාර ළමයාගේ මවට මේ බව දැනුම් දීමෙන් පසු දැරියන් තිදෙනා දියතලාව මූලික රෝහලට රැගෙන ගොස් පරික්ෂාවට ලක් කළ අවස්ථාවේ ඔවුන් මෙම අපරාධය පිළිබදව ප්‍රකාශ කර තිබේ.

වැලිමඩ බෝගහකුඹුර, බොරලන්ද පදිංචි මෙම ගැහැනු ළමුන් තිදෙනා අධිකරණ වෛද්‍ය නිලධාරීවරයාට යොමු කිරීම සදහා දියතලාව මූලික රෝහලට ඇතුළත් කර ඇති අතර මේ අපරාධය සම්බන්ධයෙන් බෝගහකුඹුර පොලීසිය වැඩිදුර විමර්ශන සිදුකරයි.