සොරාගත් ත්‍රීරෝද රථ හතරක් පොලිසිය සොයා ගනී

ත්‍රීරෝද රථ සොරාගන්නා කල්ලියක දෙදෙනකු වටලා රුපියල් ලක්ෂ තිහක් පමණ වටිනා ත්‍රීරෝද රථ හතරක් දිවයිනේ ප්‍රදේශ කිහිපයකින් සොයා ගත් බව ගම්පහ පොලිිසියේ පවසයි.

ත්‍රීරෝද රථ හිමියන් තම රථ අතුරුදහන් වීම පිළිබදව ගම්පහ පොලීසියට පැමිණිලි කිරිමෙන් පසු ගම්පහ පොලීසියේ අපරාධ අංශයේ නිලධාරීන් වහාම පරීක්ෂණ අරඔා නගරයේ සවිකර ඇති ආරක්ෂිත කැමරා පරික්ෂා කිරීමේන් පසු ගණේමුල්ල බොල්ලත හා වැලිපිල්ලෑව ප්‍රදේශයෙන් අවුරුදු 27 හා 37 යන වයස් කාණ්ඩවල පසුවන සැකකරුවන් දෙදෙනකු අත්අඩංගුවට ගෙන තිබේ.

අදාල සැකකරුවන්ගෙන්සොරා ගන්නා ලද ත්‍රීරෝද රථ පිළිබද කළ ප්‍රශ්න කිරීම් වලදී කුරුණෑගල ,අංගොඩ ,කොළඔ හා රාගම යන ප්‍රදේශවලට අලෙවි කොට තිබු ත්‍රීරෝද රථ හතරක් සොයා ගැනීමට පොලීසිය සමත්වි තිබේ. මෙවැනිම සොරාගත් ත්‍රීරෝද රථ දෙකක් පිළිබදව ගම්පහ පොලිසියේ අපරාධ අංශයේ නිලධාරීන් වැඩි දුර පරික්ෂණ පවත්වයි.

අත්අඩංගුවට ගත් සැකකරුවන් ඉදිරියේදී ගම්පහ මහේස්ත්‍රාත් අධිකරණය වෙත ඉදිරිපත් කිරීමට නියමිතය.

ගම්පහ ජේෂ්ඨ පොලිස් අධිකාරී කේ.කේ.ඉන්දික සිල්වා,සහකාර පොලිස් අධිකාරී 1 තුසිත කුමාර ,ගම්පහ මුලස්ථාන පොලිස් පරීක්ෂක සමන් ජයසිංහ යන මහත්වරුන්ගේ උපදෙස් මත,අපරාධ විමර්ශන අංශයේ ස්ථානාධිපති, පොලිස් පරීක්ෂක නිරෝෂන් දිල්රුක්,පොලිස් පරීක්ෂක ජයසිංහ,උප පරීක්ෂක වෙනුර රණසිංහ, සැරයන් වරුන්වන රොෂාන්,ජනක , ජයතිලක , කොස්තාපල් දිසානායක ,තෙන්නකොන් යන මහත්වරු මෙම වැටලීම සිදු කළහ.