මෙරට කොවිඩ් මරණ ගැන හෙළිවූ නවතම කරුණු

කොවිඩ් දෙවන රැල්ල ආරම්භයත් සමඟ මෙරටින් වාර්තා වන වයස අවුරුදු 60ට වැඩි කොවිඩ් මරණ 200 සේ සීමාවට ආසන්න වී තිබේ.

මෙරට මේ දක්වා කොවිඩ් -19 හේතුවෙන් සිදුව ඇති මරණ සංඛ්‍යාව 290 ක් වන අතර ඉන් 277ක්ම කොවිඩ් දෙවන රැල්ල ආරම්භයත් සමඟ සිදුව ඇති බව කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කළේය.

ඒ අනුව දෙවන රැල්ලේ සිදුව ඇති මරණ සංඛ්‍යාවෙන් මරණ 193 ක් වයස අවුරුදු 60 ට වැඩි පුද්ගලයින් බව සඳහන් වේ.

කෙසේවෙතත් මැදි වියේ පසුවූ පුද්ගලයින් 72 කු ද කොවිඩ් ආසාදනය වීමෙන් මියගොස් තිබේ.

වයස අවුරුදු 31ත් 40 ත් අතර ආසාදිතයින් 6 දෙනෙකු, වයස අවුරුදු 10ත් 30 ත් අතර ආසාදිතයින් 5 දෙනෙකු සහ වයස අවුරුදු 10 ට අඩු එක් කොවිඩ් මරණයක් ද මෙරටින් වාර්තා වන බව කොවිඩ් -19පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කළේය.