ජගත් මනුවර්ණ උසාවිය මගහරිනවාද? මාධ්‍ය වාර්තා කරපු ටිකේ ඇත්ත නැත්ත

ජාතික ජනබලවේගයේ (NPP) පාර්ලිමේන්තු මන්ත්‍රී සහ සිනමා කලාකරු ජගත් මනුවර්ණ මහතාට එරෙහිව පාර්ලිමේන්තුවේදීම ඊයේ (11) පැවති සභාවේදී ඔහු විසින්ම පෞද්ගලික ප්‍රකාශයක් කරමින් තමන්ට එරෙහි චෝදනා සහ ජනමාධ්‍ය වාර්තා කිහිපයක් පිළිබඳව පැහැදිලි කිරීමක් කළේය.

ඔහුගේ ප්‍රකාශයේ මූලික කරුණු මෙසේය:

මාලිමා මන්ත්‍රී ජගත් මනුවර්ණට වරෙන්තු

තමන්ට එරෙහිව 2008 දී ගොනු කළ නඩු දෙකක් (කොළඹ බලකොටුව මහේස්ත්‍රාත් අධිකරණයේ) වසර 17ක් පුරාවට කල් ගොස් තිබෙන බවත්, තමන් කිසිදු අවස්ථාවකදී අධිකරණය මගහැර ගොස් නැති බවත් අවධාරණය කළේය.

ඉකුත් ජනාධිපතිවරයා විසින් අයවැය ඉදිරිපත් කිරීමෙන් පසු පැවති තේ පැන් සංග්‍රහයට සහභාගී නොවූයේ නැතිනම් ජනමාධ්‍යකරුවන්ගෙන් සැඟවීම සඳහා බව ජනමාධ්‍ය වාර්තා කළේ බොරුවක් බව පැවසීය.

එක් අවස්ථාවකදී අධිකරණයට පෙනී සිටීමට නොහැකි වූයේ පාර්ලිමේන්තු කටයුතු හේතුවෙන් බවත්, ඒ සඳහා සුදුසු ලියකියවිලි අධිකරණයට ඉදිරිපත් කළ නමුත් ඒවා ප්‍රතික්ෂේප වූ බවත් කීය.

ලංකාවටත් බෝම්බ තර්ජනක්? ඉන්දියා පකිස්තාන් බෝම්බ පිපිරීම අපිටත් බලපායිද

පසුව මෝසම් මගින් අධිකරණයට ඉදිරිපත් වී වරෙන්තුව කැඳවා ගත් බවත් පැවසීය.

තමන් අධිකරණය මගහැර සිටින බවට ජනමාධ්‍ය අඛණ්ඩව වාර්තා කිරීම නිසා පොලිසියටද අපහසුතාවයක් ඇති වී ඇති බවත්, එයින් පොලිසියේ රාජකාරි පිළිබඳ ජනමතයක් නරක අතකට හැරවිය හැකි බවත් චෝදනා කළේය.

ඔක්තෝම්බර් 29, 2025 දින කොළඹ බලකොටුව මහේස්ත්‍රාත් ඉසුරු නෙත්තිකුමාර මහතා විසින් ජගත් මනුවර්ණ මහතාට එරෙහිව අත්අඩංගුවට ගෙන උසාවියට ඉදිරිපත් කරන ලෙස වරෙන්තුවක් නිකුත් කර තිබුණි. එයට හේතුව එම නඩුවලට පෙනී නොසිටීමයි.

කෙසේ වෙතත්, මන්ත්‍රීවරයාගේ පැහැදිලි කිරීම අනුව එම වරෙන්තුව දැන් කැඳවා ගෙන ඇති බව පෙනී යයි. ඔහු මෙය පාර්ලිමේන්තුව හමුවේ කියා සිටියේ පාර්ලිමේන්තු කලා සහ සංස්කෘතික කටයුතු පිළිබඳ සංසදයේ සභාපති ලෙසද සිටින තමන්ට එරෙහි අසාධාරණ චෝදනා මැඩලීම සඳහාය.

මේ ලග්න හිමියන්ට අද අහස කඩාගෙන සල්ලි වැටෙයි