මරණයෙක් කෙළවර වුන ඉදල් පහර - බිරිද හා තවත් කාන්තාවක් අත් අඩංගුවට

හොරණ පොලිස් වසමේ පෝරුවදණ්ඩ ප්‍රදේශයේ නිවසකදී පුද්ගලයෙකුට පහරදී ඝාතනය කර තිබේ.

ඊයේ උදෑසන මෙම ඝාතන සිදුකර ඇති බවට හොරණ පොලිස් ස්ථානයට ලද පණිවිඩයක් මත විමර්ශන ආරම්භ කර ඇත.

එලෙස මියගොස් ඇත්තේ, පෝරුවදණ්ඩ ප්‍රදේශයේ පදිංචිව සිටි 32 හැවිරිදි පුද්ගලයෙකි.

මරණකරු අසල නිවසකට ගොස් දොර ජනෙල්වලට පහරදී ආරවුලක් ඇතිකරගෙන ඇති අතර එම නිවසේ සිටි කාන්තාවක් විසින් ඒ සම්බන්ධව මරණකරුගේ බිරිඳට දැනුම් දී ඇත.

ප්‍රදේශ කිහිපයකට පස්වරුවේ තද වැසි

පොලීසිය සදහන් කළේ එම අවස්ථාවේ මරණකරුගේ බිරිඳ එම නිවසට පැමිණ එම කාන්තාව සමඟ මරණකරුට ඉදලකින් පහරදීමක් සිදුකර ඇති බවට දැනට සිදු කරන ලද විමර්ශනයේදී අනාවරණය වී ඇති බවයි.

මෙම සැකකාරියන් දෙදෙනා අත්අඩංගුවට ගෙන තිබෙන අතර හොරණ පොලීසිය වැඩිදුර විමර්ශන සිදු කරනු ලබයි