විදුලි ගාස්තු සංශෝධනය ගැන මහජන අදහස් විමසීම අද සිට

2026 වර්ෂය සඳහා යෝජිත විදුලි ගාස්තු සංශෝධනය සම්බන්ධයෙන් මහජනතාවගේ අදහස් හා යෝජනා ලබා ගැනීම අද (25) සිට ආරම්භ කරන බව මහජන උපයෝගිතා කොමිෂන් සභාව සදහන් කර තිබේ.

 එහි අධ්‍යක්ෂ ජයනාත් හේරත් මහතා පැවසුවේ, මාර්තු 18 දින දක්වා මේ සඳහා විදුලි පාර්භෝගිකයින්ට අවසථාව හිමි වන බව‍යි.

 මේ අතර වාචික අදහස් ඉදිරිපත් කිරීම සඳහා පළාත් 9 ආවරණය වන පරිදි ස්ථාන 5කදී අවස්ථාව හිමිවනු ලැබේ.

 එහි පළමු වැන්න අම්පාරේ දී මාර්තු 7 වෙනිදා පැවැත්වේ. ඉන් අනතුරුව වව්නියාවේදී මාර්තු 11 වෙනිදා, මාතලේ දිස්ත්‍රික්කයේ දී මාර්තු 12 වෙනිදා, හම්බන්තොට දී මාර්තු 16 සහ අවසාන වාචික උපදේශනය මාර්තු 18 වෙනිදා පැවැත්වීමට නියමිතව තිබේ.

ඉන් අනතුරුව ‌යෝජනා සියල්ල සැලකිල්ලට ගෙන කොමිෂන් සභාවේ තීරණය ප්‍රකාශයට පත්කිරීමට කටයුතු කර ඇත.

ලංකා විදුලිබල මණ්ඩලයේ කාර්මික ශිල්පීන්ගේ සංගමය සදහන් කරන්නේ මේ අතර විදුලි බල මණ්ඩලය ප්‍රතිව්‍යූහගත කිරීමේ ක්‍රීයාවලිය නිසි පරිදි සිදුකිරීමට ආණ්ඩුව පියවර නොගැනීම හේතුවෙන් ඉදිරියේදී වෘත්තීය ක්‍රියාමාර්ගවල නිරත වීමට පියවර ගන්නා බවයි.

මේ ලග්න වලට මූල්‍ය කටයුතු සාර්ථක වෙන දවසක්, අද ලග්න පලාපල මෙන්න

වෘත්තීය ක්‍රියාමාර්ග සම්බන්ධයෙන් වන අවසන් තීරණය අද ගැනීමට නියමිත බව එහි සභාපති කෝසල අබේසිංහ මහතා සඳහන් කර තිබේ.