රට පුරා ඊයේ හදුනාගත් ආසාදිතයන්ගේ විස්තර - එක් පළාතකින් 437ක්

කොවිඩ්-19 වෛරස නව ආසාදිතයින් 674 දෙනෙකු ඊයේ (27) දිනය තුළදී හඳුනාගත් බව රජයේ ප්‍රවෘත්ති දෙපාර්තමේන්තුව සඳහන් කරයි.

පෑලියගොඩ මත්ස්‍ය වෙළෙඳ සංකීර්ණය ආශ්‍රිතව ආසාදිතයන් 614 දෙනෙකු,බන්ධනාගාර ආශ්‍රිතව ආසාදිතයන් 54 දෙනෙකු ඊයේ හඳුනාගත් ආසාදිතයින් අතරට අයත් ය.

ඉන් 6 දෙනෙකු විදේශගතව සිට මෙරටට පැමිණි ශ්‍රී ලාංකිකයින් ය.

ඊයේ දින වැඩිම ආසාදිතයින් සංඛ්‍යාවක් වාර්තා වී තිබුණේ කොළඹ දිස්ත්‍රික්කයෙන් වන අතර එම ගණන 174කි.

ගම්පහ දිස්ත්‍රික්කයෙන් 153ක් සහ කළුතර දිස්ත්‍රික්කයෙන් නව ආසාදිතයින් 110ක් හඳුනාගෙන තිබුණි.

ඒ අනුව මෙරට සමස්ත කොවිඩ් - 19 ආසාදිතයින් ගණන 41,054ක් දක්වා ඉහළ ගොස් ඇති අතර ඉන් 32,701ක් පූර්ණ සුවය ලබා රෝහල්වලින් පිටව ගොස් ඇත.

කොවිඩ් - 19 ආසාදිතයින් 8,162 දෙනෙකු තවදුරටත් රෝහල්ගතව ප්‍රතිකාර ලබමින් පසුවෙයි. මෙරට සිදුවී ඇති සමස්ත කොවිඩ් ආසාදිත මරණ සංඛ්‍යාව 191ක් දක්වා ද ඉහළ ගොස් තිබේ.

ඊයේ දින නව ආසාදිතයින් හමුවූ ප්‍රදේශ පහතින් දැක්වේ,

කොළඹ දිස්ත්‍රික්කය - 174

ගම්පහ දිස්ත්‍රික්කය - 153

කළුතර දිස්ත්‍රික්කය - 110

මහනුවර දිස්ත්‍රික්කය - 52

රත්නපුර දිස්ත්‍රික්කය - 50

නුවරඑළිය දිස්ත්‍රික්කය - 26

කෑගල්ල දිස්ත්‍රික්කය - 21

ගාල්ල දිස්ත්‍රික්කය - 20

මාතර දිස්ත්‍රික්කය - 19

කුරුණෑගල දිස්ත්‍රික්කය - 15

පුත්තලම දිස්ත්‍රික්කය - 08

අනුරාධපුර දිස්ත්‍රික්කය - 05

අම්පාර දිස්ත්‍රික්කය - 05

හම්බන්තොට දිස්ත්‍රික්කය - 03

මඩකලපුව දිස්ත්‍රික්කය - 02

මොනරාගල දිස්ත්‍රික්කය - 02

මාතලේ දිස්ත්‍රික්කය - 02

පොළොන්නරුව දිස්ත්‍රික්කය - 01