භයානක ලෙඩක් හිස ඔසවයි - ජනතාව ප්‍රවේශම් වෙන්න

2026 වසරේ මේ දක්වා ශ්‍රී ලංකාව පුරා ඩෙංගු රෝගීන් 25,082 ක් වාර්තා වී ඇති බව ජාතික ඩෙංගු මර්දන ඒකකය සඳහන් කරයි.

කොළඹ, ගම්පහ, මාතර, ගාල්ල, රත්නපුර සහ කළුතර යන දිස්ත්‍රික්කවලින් මෙන්ම කොළඹ මහනගර සභා බල ප්‍රදේශයෙන් වැඩිම රෝගීන් සංඛ්‍යාවක් වාර්තා වී ඇති බව ප්‍රජා වෛද්‍ය විශේෂඥ වෛද්‍ය ප්‍රශිලා සමරවීර පවසයි.

රියදුරන්ට විශේෂ නිවේදනයක් - විශේෂ රථ වාහන සැලැස්මක්

මෙම වසරේ මේ දක්වා ඩෙංගු ආශ්‍රිත මරණ 12 ක් වාර්තා වී ඇති බව ඇය තවදුරටත් පැවසුවේය. උණ දින දෙකකට වඩා පැවතුණහොත් එය ඩෙංගුද යන්න තීරණය කිරීම සඳහා වහාම වෛද්‍ය ප්‍රතිකාර ලබාගන්නා ලෙස වෛද්‍ය සමරවීර මහජනතාවට දැනුම් දී ඇත.

වෛද්‍යවරයෙකුගෙන් උපදෙස් ලබා ගන්නා තෙක් උණ සඳහා පැරසිටමෝල් හැර වෙනත් කිසිදු ඖෂධයක් නොගන්නා ලෙසත්, මදුරු දෂ්ට කිරීම්වලින් ආරක්ෂා වීමට මදුරු විකර්ෂක භාවිත කරන ලෙසත් ඇය මහජනතාවගෙන් ඉල්ලා සිටියි.