පැය කිහිපයක් තුළ මෙරට කොරෝනා මරණ සහ ආසාදිත ගණන ඉහළ යයි...අවධානම තවත් ඉහළට.

තවත් කොවිඩ් මරණ 3ක් ඊයේ දිනයේ වාර්තා වී ඇති බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසයි.

ඒ අනුව, මෙරටින් මේ දක්වා වාර්තා වී ඇති කොවිඩ් මරණ ගණන 194ක් දක්වා ඉහළ ගොස් තිබේ.

දර්ගා නගරයේ පදිංචිව සිටි 90 හැවිරිදි පිරිමි පුද්ගලයෙක්, තෙල්දෙණිය ප්‍රදේශයේ පදිංචිව සිටි 83 හැවිරිදි පිරිමි පුද්ගලයෙක් සහ දකුණු කළුතර ප්‍රදේශයේ පදිංචිව සිටි 57 හැවිරිදි කාන්තාවක් එලෙස මියගොස් තිබේ.

මේ අතර ඊයේ දිනය තුළ දී මේ දක්වා හඳුනාගත් සමස්ත කොවිඩ් ආසාදිතයින් ගණන 530ක් බව යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පවසයි.

ඔවුන් සියලුදෙනා මීට පෙර හඳුනාගත් ආසාදිතයින්ගේ ආශ්‍රිතයින් බව යුද හමුදාපතිවරයා සඳහන් කළා.

ඒ අනුව, මේ වනවිට, මිනුවන්ගොඩ/පෑලියගොඩ සහ බන්ධනාගාර පොකුරේ සම්පූර්ණ ආසාදිතයින් ගණන 37,890කි.