පොලිතීන් බෑග් වෙනුවට පරිසර හිතකාමී කඩදාසි බෑග්

පොලිතීන් බෑග් (සිලි සිලි බෑග්) වෙනුවට පරිසර හිතකාමී කඩදාසි බෑග් නිෂ්පාදනය කිරීමට පරිසර, කෘෂිකර්ම සහ සම්පත් තිරසාරත්වය පිළිබඳ ආංශික අධීක්ෂණ කාරක සභාව විසින් අදාළ අමාත්‍යාංශයට යෝජනාවක් ඉදිරිපත් කර ඇත.

භාණ්ඩ මිලදී ගැනීමේදී සිලි සිලි බෑග් සඳහා මිලක් අයකිරීමේ තීරණයට අවධානය යොමු කරමින් මෙම යෝජනාව සිදුකර ඇති බව වාර්තා වේ.

අද ඉදන් පටන් ගන්න පොලිතීන් බෑග් නීතිය

කාරක සභාවේ සභාපති පාර්ලිමේන්තු මන්ත්‍රී හෙක්ටර් අප්පුහාමි මහතා පෙන්වා දෙන්නේ, මෙම ක්‍රියාමාර්ගය හරහා පොලිතීන් භාවිතය සැබැවින්ම අවම වේද යන්න සොයා බැලිය යුතු බවයි. එමෙන්ම, සිලි සිලි බෑග් සඳහා ගෙවිය යුතු මුදල කුමන පාර්ශ්වයක් විසින් තීරණය කර ඇත්දැයි නිලධාරීන්ගෙන් විමසා ඇති අතර, ගැසට් නිවේදනයේ එවැනි මුදල් ගෙවිය යුතු බව සඳහන් නොමැති බව නිලධාරීන් පෙන්වා දී තිබේ.

මෙම යෝජනාව පොලිතීන් භාවිතය අඩු කිරීමේ ජාතික ප්‍රයත්නයට සම්බන්ධ වන අතර, කඩදාසි බෑග් නිෂ්පාදනය දේශීය කර්මාන්තකරණයටද උත්තේජනයක් වනු ඇතැයි අපේක්ෂා කෙරේ.

අවිවාහක අනාථ දරුවන්ට අවුරුදු 26න් පසු විශ්‍රාම වැටුපක්