ඉදිරි සති දෙකෙන් පසුව රටේ ඇතිවිය හැකි අවධානම් තත්ත්වයක් ගැන දැනුම්දීමක්..!!
Aruna
ඉදිරි සති දෙක ඇතුළත සහල් ආනයන කිරීම සඳහා රජය පියවර නොගත් හොත් දැඩි සහල් හිඟයක් ඇති වන බව සමස්ත ලංකා සුළු හා මධ්‍ය පරිමාණ වීමෝල් හිමියන්ගේ සංගමය පවසනවා.
එහි සභාපති යූ. කේ. සේමසිංහ මහතා සඳහන් කළේ, මෙම ගැටලුව විසඳීම සඳහා දීර්ඝ කාලීන වැඩපිළිවලක් සකස් කිරීම රජයේ වගකීමක් බවයි.
මේහිදී වැඩිදුරටත් අදස් දැක්වූ සේමසිංහ මහතා,
"දීර්ඝ කාලීන විසඳුමකට යා යුතුයි. එසේ නොගියොත් නැවත නැවත මේ අර්බුදයට යා හැකි වෙනවා. යල කන්නයේ වී මිලදී ගැනීමට වී අලෙවි මණ්ඩලය මඟින් මේ අර්බුදය යටපත් කිරීමට ක්‍රමවත් වැඩපිළිවෙලක් සකස් කළ යුතුයි.
ඒ වගේම කෙටි කාලීන විසඳුමක් ලෙස රජය විසින් ඉතා ඉක්මනින් විදෙස් රටවලින් සහල් ආනයනය නොකළහොත් මේ තත්ත්වය තුළ වෙළෙඳපොළේ දැඩි සහල් හිඟයක් ඇති විය හැකිය."
බියර් සහ සත්ත්ව ආහාර නිෂ්පාදනය කිරීම සඳහා සහල් ලබා දීමේදී එය නියාමනය කිරීම ඉතා වැදගත් කාරණයක් බවයිඔහු සඳහන් කළේ.
මේ අතර හිටපු කෘෂිකර්ම අධ්‍යක්ෂ කේ. බී. ගුණරත්න මහතා පැවසුවේ, පැවති ගංවතුර තත්ත්වයෙන් හානියට පත්වූ කුඹුරු සඳහා වන්දි ලබාදීම වෙනුවට ඒවා යළි වගා කිරීමට පියවර ගතයුතු බවයි.
You May Like This Video
