උදෑසන බඩවැල් පිරිසිදු කරවන ස්වභාවික රහස මෙන්න

උදෑසනදී නිසි ලෙස බඩවැල් ක්‍රියාත්මක නොවීම දිනය පුරා අපහසුතාවක් ඇති කරන අතර, එය මලබද්ධය (constipation) ලෙස හැඳින්වෙන සෞඛ්‍ය ගැටලුවක් විය හැකි බව සෞඛ්‍ය අංශ පෙන්වා දෙයි.

මෙය ආහාර ජීර්ණ ක්‍රියාවලියේ අසමතුලිතතාවයක් හේතුවෙන් ඇතිවිය හැකි අතර, ජීවන රටාව සහ ආහාර පුරුදු මඟින් බොහෝවිට පාලනය කළ හැක.

මෙවැනි තත්ත්වයන් සඳහා ස්වභාවික ආහාර අතර ඉදුණු ගස්ලබු (papaya) ප්‍රයෝජනවත් බව පෝෂණ විශේෂඥයින් පෙන්වා දෙයි. ගස්ලබු වල ඇති එන්සයිම (papain), තන්තු සහ ජල ප්‍රතිශතය ආහාර ජීර්ණ ක්‍රියාවලියට සහ මලපහ මෘදු කිරීමට උපකාරී වේ.

මලබද්ධය නසන "ගස්ලබු සහ මී පැණි" සත්කාරය  

අවශ්‍ය දේවල් 

• හොඳින් ඉදුණු ගස්ලබු කෝප්ප 1ක්.
• පිරිසිදු මී පැණි මේස හැන්දක්.
• දෙහි යුෂ ස්වල්පයක්.

සාදාගන්නා සහ භාවිතා කරන ක්‍රමය: 

ඉදුණු ගස්ලබු කැබලිවලට කපා එයට මී පැණි සහ දෙහි යුෂ මිශ්‍ර කරන්න. මෙය රාත්‍රී නින්දට පෙර හෝ උදෑසන හිස්බඩ ආහාරයට ගන්න. දින කිහිපයක් එකදිගට මෙය කිරීමෙන් ඔබේ ආහාර ජීර්ණ පද්ධතිය සම්පූර්ණයෙන්ම යථා තත්ත්වයට පත් වේවි.

ආහාර පුරුදු සම්බන්ධයෙන් නිර්දේශ කරන්නේ, ඉදුණු ගස්ලබු සමබර ආහාර වේලක කොටසක් ලෙස භාවිතා කිරීම, ප්‍රමාණවත් ජලය පානය කිරීම සහ පලා වර්ග ආහාරයට එකතු කිරීමය. විශේෂයෙන් ගොටුකොළ, මුකුණුවැන්න වැනි පලා වර්ග දෛනික ආහාරයට ඇතුළත් කිරීම ආහාර ජීර්ණ පද්ධතියේ ක්‍රියාකාරිත්වය වැඩි දියුණු කරයි.

එමෙන්ම දිනපතා මද ව්‍යායාම හෝ ඇවිදීම බඩවැල් ක්‍රියාකාරිත්වය සාමාන්‍යව පවත්වා ගැනීමට උපකාරී වන බවද සෞඛ්‍ය විශේෂඥයෝ පෙන්වා දෙති.

එමෙන්ම දිනපතා මද ව්‍යායාම හෝ ඇවිදීම බඩවැල් ක්‍රියාකාරිත්වය සාමාන්‍යව පවත්වා ගැනීමට උපකාරී වන බවද සෞඛ්‍ය විශේෂඥයෝ පෙන්වා දෙති.