ඒ ගැන ලෙකෝ සභාපති දන්නෙවත් නෑ කෝටි අටක කළු බෙන්ස් ඕඩර් එක වහාම අවලංගු කරන්න - නියෝගයක්

බලශක්ති අමාත්‍ය කුමාර ජයකොඩි මහතා විසින් ලංකා විදුලි පෞද්ගලික සමාගමේ (ලෙකෝ) සභාපතිවරයාට පෞද්ගලික රථයක් සඳහා ගෙන්වීමට නියමිතව තිබූ, රුපියල් කෝටි අටක් වටිනා අති සුඛෝපභෝගී මර්සිඩීස් බෙන්ස් වර්ගයේ වාහනයක් ගෙන්වීමේ ඇණවුම වහාම අවලංගු කරන මෙන් නියෝග කර ඇති බව වාර්තා වේ.

ඒ අනුව අමාත්‍යවරයා වැඩිදුරටත් සඳහන් කළේ මෙම සිද්ධිය සම්බන්ධයෙන් පූර්ණ පරීක්ෂණයක් දැනටමත් ආරම්භ කර ඇති බවයි.

එසේම ඔහු අවධාරණය කළේ, හිටපු සභාපති ජනක අලුත්ගේ මහතා විදේශයක සිටියදී, ඔහුගේ අවසරයකින් තොරව ලෙකෝ ආයතනයේ නිලධාරීන් විසින් මෙම මිල අධික වාහනය ඇණවුම් කර තිබෙන බවයි.

මාලිමා ආණ්ඩුවේ ලෙකෝ සභාපතිට කෝටි 8ක බෙන්ස් එකක් ගෙන්නලා

එබැවින් මෙම ක්‍රියාවේ වගකීම සභාපතිවරයා මත පැටවීම අයුක්ති සහගත බව අමාත්‍යවරයා සඳහන් කර ඇත. තවද ලෙකෝ ආයතනය මුලින් රථ වාහන මිලදී ගැනීමට අයවැයෙන් රුපියල් කෝටි හැට දෙකකට වඩා වැඩි මුදලක් වෙන් කරගෙන තිබූ බවත්, පසුව එම මුදල රුපියල් මිලියන 46 දක්වා අඩු කර ගත් බවත් අමාත්‍ය ජයකොඩි මහතා පවසා ඇති බව සඳහන්.

එම සංශෝධිත මුදල යටතේ රථ වාහන දාහතක් මිලදී ගැනීමට නියමිත බවත්, ඊට මෝටර් රථ (කාර්) හතක් සහ ඩබල් කැබ් දහයක් ඇතුළත් බවත් ඔහු තහවුරු කර ඇත.

ඊට අමතරව සභාපතිවරයා භාවිත කළ පැරණි රථය නිරන්තරයෙන් කාර්මික දෝෂවලට ලක්වීම හේතුවෙන් එය අලුත්වැඩියා කිරීමට රුපියල් මිලියන දෙකක් හෝ තුනක් පමණ වැය කිරීමට සිදුව තිබූ බව ද අමාත්‍යවරයා සඳහන් කර තිබෙනවා.

හිටපු මන්ත්‍රී එක්ක දකුණු මුහුදෙන් අල්ලපු මත්ද්‍රව්‍ය තොගය කිලෝ 376ක්

වාසි ගොඩක් එක්ක මේ අයට 21 ඉඳන් අලුත් විශ්‍රාම වැටුප් යෝජනා ක්‍රමයක්