කැරපොතු ජනතා පක්ෂය විරෝධතාකරුවන් තනි නොකරන බව කියයි

රජයේ නියෝජිතයන් සමඟ මධ්‍යම රාත්‍රියේ පැවති පැය 2–3ක සාකච්ඡාවකින් අනතුරුව, Cockroach Janta Party (CJP) විරෝධතාකරුවන්ගේ ආරක්ෂාව සඳහා තවත් ප්‍රාන්ත මගින් නිල නිවේදන නිකුත් කරන බවට රජයෙන් සහතික ලැබී ඇති බව ප්‍රකාශ කළේය.

CJP ප්‍රධාන ප්‍රකාශක සෞරව් දාස් (Saurav Das) පවසන්නේ, විරෝධතාකරුවන්ට එරෙහි නඩු ඉවත් කිරීම, රඳවාගෙන සිටින පිරිස් නිදහස් කිරීම සහ ඉදිරියේදී ඔවුන්ට එරෙහිව නීතිමය ක්‍රියාමාර්ග නොගැනීම පිළිබඳ රජය යළිත් කැපවීම තහවුරු කළ බවයි.

ඔහු සඳහන් කළේ බිහාර් සහ අසම් ප්‍රාන්තවලින් නිකුත් කළ නිවේදනවල පිටපත් රජයේ නියෝජිතයන් විසින් ඉදිරිපත් කළ අතර, ඒ ආකාරයේම ආරක්ෂණ නිවේදන මධ්‍යම රජය සහ අනෙකුත් BJP/NDA පාලිත ප්‍රාන්තවලින් ද නිකුත් කිරීමට පොරොන්දු වූ බවයි.

මෙම ප්‍රකාශය නිකුත් වූයේ, විරෝධතාකරුවන්ට එරෙහි පොලිස් ක්‍රියාමාර්ග සම්බන්ධයෙන් ඇති එකඟතාව උල්ලංඝනය වී ඇති බව පවසමින් CJP නව විරෝධතා ආරම්භ කළ හැකි බවට අනතුරු ඇඟවීමෙන් පැය කිහිපයකට පසුවය.

“අප වැනි ගොවි පවුල්වල දරුවන්ට මෙවැනි ඉහළ ගාස්තු ගෙවිය හැකිද'' ඉන්දිය තරුණයන් හඩ අවදි කරයි

CJP ප්‍රකාශක අශුතෝෂ් රන්කා (Ashutosh Ranka) සඳුදා ප්‍රකාශ කළේ, බිහාර් සහ බෙංගාලය ඇතුළු ප්‍රදේශවල සිසුන් අත්අඩංගුවට ගැනීම සහ තවත් පිරිස් නිරීක්ෂණයට හෝ හිරිහැරයට ලක්වීම පිළිබඳ වාර්තා ලැබී ඇති බවයි.

එබැවින් සියලු නඩු වහාම ඉවත් කර රඳවා සිටින පිරිස් නිදහස් කරන ලෙස ඔහු ඉල්ලා සිටියේය. පසුව සෞරව් දාස් ප්‍රකාශ කළේ රාජස්ථානයේ ද විරෝධතාකරුවන්ට එරෙහිව කිසිදු නීතිමය ක්‍රියාමාර්ගයක් නොගන්නා බවට රජයෙන් නව සහතිකයක් ලැබී ඇති බවයි.

තවත් BJP/NDA පාලිත ප්‍රාන්තවලින් ද සමාන ආරක්ෂණ නිවේදන ලබා ගැනීමට පක්ෂය කටයුතු කරමින් සිටින බව ඔහු වැඩිදුරටත් සඳහන් කළේය.

අධ්‍යාපන ප්‍රතිසංස්කරණ හා විභාග ගැටලු මත වහාම ක්‍රියාත්මක වන පරිදි ඉන්දීය අධ්‍යාපන අමාත්‍යවරයා ඉල්ලා අස්වෙයි