සලේව අත්අඩංගුවට ගත්තේ දෙමළ ඩයස්පෝරාවේ උවමනාවට ඊළඟ ඉලක්කේ වෙන්නේ ගෝඨා - විමල්ගෙන් ආන්දෝලනාත්මක කතාවක්

මේජර් ජෙනරාල් තුවාන් සුරේෂ් සලේ මහතා අත්අඩංගුවට ගැනීම යනු රටේ ජාතික ආරක්ෂාව සහ රාජ්‍යයේ පැවැත්ම බිඳවට්ටමින් දෙමළ ඩයස්පෝරාවේ උවමනාවන් ඉටු කිරීමට දියත් කර ඇති “දේශපාලන මෙහෙයුමක්” බව ජාතික නිදහස් පෙරමුණේ නායක, හිටපු අමාත්‍ය විමල් වීරවංශ අද (27) දින පවසා ඇත.

ඒ බත්තරමුල්ලේ පිහිටි පක්ෂ මූලස්ථානයේ පැවති මාධ්‍ය හමුවකදීයි. සලේ කුමක්ද කළේ යන තේමාව යටතේ සංවිධානය කර තිබූ මෙම මාධ්‍ය හමුවේදී යුධ සමයේදී එල්.ටී.ටී.ඊ. නායක තමිල් සෙල්වම් වැනි ඉලක්ක වෙත සාර්ථකව ප්‍රහාර එල්ල කිරීමට අවශ්‍ය බුද්ධි තොරතුරු සපයමින් රට වෙනුවෙන් සුවිශේෂී මෙහෙවරක් කළ නිලධාරියෙකු මෙසේ දඩයම් කිරීම හෙළා දකින බව සඳහන් කළා.

එමෙන්ම මේජර් ජෙනරාල් සලේ මහතා යුද්ධයේදී කළ මෙහෙය සුවිශාල බවත්, එල්.ටී.ටී.ඊ. නායක තමිල්සෙල්වන් ඝාතනය කිරීමට අවශ්‍ය බුද්ධි තොරතුරු ලබා දුන්නේ ඔහු බවත් හිටපු අමාත්‍යවරයා ප්‍රකාශ කළා.

පාකිස්තානය අවසන් පූර්ව වටයට නොයා ඉන්න කුමන්ත්‍රණයක් ගැන හිටපු ඇමති චන්න කට අරී

තවද බුද්ධි අංශ ක්‍රියාත්මක වන්නේ සතුරාගේ අභ්‍යන්තරයේ සිට බවත්, ඒ හේතුවෙන් ඔවුන්ට විවිධ පුද්ගලයන් සමඟ සම්බන්ධතා පැවැත්වීමට සිදු වන බවත් ඔහු පැහැදිලි ක‍ළා.

ඊට අමතරව ඔහු පෙන්වා දුන්නේ පාස්කු ප්‍රහාරය සම්බන්ධයෙන් සහරාන් ඇතුළු පිරිස අයි.එස්.අයි.එස්. (ISIS) සංවිධානය සමඟ සම්බන්ධ බවට ආරක්ෂක මණ්ඩලයට මුලින්ම අනතුරු ඇඟවූයේද සලේ මහතා ඇතුළු කණ්ඩායම බවයි.

ඒ අනුව පාස්කු ප්‍රහාරය සම්බන්ධයෙන් සහරාන් ඇතුළු අන්තවාදීන්ගේ ක්‍රියාකාරීත්වය පිළිබඳව යහපාලන රජයේ ආරක්ෂක මණ්ඩලයට මුලින්ම අනතුරු ඇඟවූයේ සලේ මහතා බවත්, එදා එම තොරතුරු නොසලකා හැර අද අනතුරු ඇඟවූ පුද්ගලයාම වැරදිකරු කිරීමට උත්සාහ කිරීම හාස්‍යජනක බවයි ඔහු පැවසුවා.

එසේම හිටපු අමාත්‍යවරයා චෝදනා කළේ වත්මන් රජය උතුරු - නැගෙනහිර හමුදා කඳවුරු ඉවත් කරමින් සහ බුද්ධි අංශ නිලධාරීන් සිරගත කරමින් ජාතික ආරක්ෂාව බිංදුවට ඇද දමා ඇති බවටයි.

හිටපු අමාත්‍ය මර්වින් සිල්වා සහ ප්‍රසන්න රණවීර ඇතුළු හය දෙනෙක්ට අධි චෝදනා

"අන්ත ප්‍රතිගාමී පාලකයෙකු පවා නිදහස් දින පෙළපාලියේදී රණවිරුවන් කළ සේවය ගැන කතා කිරීම තහනම් කළේ නැහැ. නමුත් අද රණවිරු කියන වචනය ඇහෙනකොට ජනාධිපතිවරයාගේ ඇඟ නළියනවා," යනුවෙන් ඔහු ප්‍රකාශ කළා.

එමෙන්ම පාස්කු ප්‍රහාරයට සම්බන්ධ බවට චෝදනා එල්ල වූ ඊබ්‍රාහිම් වැනි පුද්ගලයන්ගේ දේපළ නිදහස් කරමින් ඔවුන් “සුද්ධ පවිත්‍ර” කරන අතරතුරේ රට වෙනුවෙන් දිවි පරදුවට තැබූ සලේ වැනි නිලධාරීන් සිරගත කිරීම පිටුපස ඇති දේශපාලන න්‍යාය පත්‍රය ජනතාව තේරුම් ගත යුතු බව ද ඔහු සඳහන් කළා.

හරීන්ට දුරකථනයෙන් තර්ජනය කරපු උගන්ඩා කුමාරයා කවුද?

ඒ අනුව සලේ මහතා අත්අඩංගුවට ගැනීම තනිකරම දේශපාලන දඩයමක් බවත්, එය කොටි ඩයස්පෝරාව සතුටු කිරීමට ගත් පියවරක් බවත් පැවසූ විමල් වීරවංශ මහතා ඊබ්‍රාහිම් වැනි පාස්කු ප්‍රහාරයට සම්බන්ධ සැකකරුවන්ගේ දේපළ නිදහස් කරද්දී, රට බේරාගත් බුද්ධි අංශ නිලධාරීන් සිරගත කිරීම නරුම පාවාදීමක් බව අවධාරණය කළා.

එමෙන්ම මෙම ක්‍රියාවලියේ අවසන් ඉලක්කය ගෝඨාභය රාජපක්ෂ මහතා බවත් ඔහු පැවසුවා.

කෙසේ වුවත් මේජර් ජෙනරාල් සලේ මහතා නිදහස් කර ගන්නා තෙක් මෙම සටන අත්නොහරින බවත්, පරාජිත ත්‍රස්තවාදීන් සතුටු කරන මෙම පාහර ක්‍රියාවට එරෙහිව ජාතියම පෙළගැසිය යුතු බවත් ඔහු තවදුරටත් පැවසුවා.

සෑම පුරවැසියෙකුටම සුබ ආරංචියක් - ආයේ රස්තියාදු වෙන්න ඕනේ නෑ සියලු රාජ්‍ය සේවාවන් එක්තැනකින්