තැපැල් ඡන්දය දාන සියලුම දෙනාට අද විශේෂ දිනයක් වෙයි..

2024 සැප්තැම්බර් මස 21 වැනිදා පැවැත්වීමට නියමිත ජනාධිපතිවරණයට අදාළව තැපැල් ඡන්ද විමසීමේ තුන්වැනි දිනය අදට යෙදී තිබෙනවා.

ඒ අනුව, තැපැල් ඡන්දය ලකුණු කිරීමට අදාළ රාජ්‍ය සේවකයින්ට පෙරවරු 9 සිට පස්වරු 4 දක්වා ඡන්දය ප්‍රකාශ කිරීමට අවස්ථාව හිමිවේ. ඒ සඳහා දිවයින පුරා ඡන්ද මධ්‍යස්ථාන 1,500කට අධික සංඛ්‍යාවක පහසුකම් සලසා ඇත.

ප්‍රබල ජනාධිපති අපේක්ෂකයෙක්ට ප්‍රහාරයක් එල්ල කිරීම ගැන ආරංචියක්..

අද ත්‍රිවිධ හමුදා කඳවුරු සහ අනෙකුත් සියලු රාජ්‍ය ආයතනවල තැපැල් ඡන්ද විමසීම පැවැත්වෙනු ඇති බවයි පැවසෙන්නේ.

මෙසේ තැපැල් ඡන්ද සලකුණු කිරීමට නොහැකි වන තැපැල් ඡන්ද දායකයින්ට තම සේවා ස්ථානය පිහිටි දිස්ත්‍රික්කයේ දිස්ත්‍රික් මැතිවරණ කාර්යාලවලදී ලබන 11 වැනිදා සහ 12 වැනිදාද ඡන්දය සලකුණු කිරීමට අවස්ථාව හිමිවේ.

මෙවර තැපැල් ඡන්ද සලකුණු කිරීම සඳහා රාජ්‍ය සේවකයින් 712, 319ක් සුදුසුකම් ලබා තිබෙන බවයි මැතිවරණ කොමිසම ප්‍රකාශ කළේ.