උසස් පෙළ ඇතුළු සියලු විභාගයෙන් දින නියමයක් තොරව කල් යයි

අ.පො.ස. උසස් පෙළ ඇතුළු මෙම වර්ෂයේ පැවැත්වීමට නියමිත සියලුම විභාග දින නියමයක් නොමැතිව කල් දැමීමට විභාග දෙපාර්තමේන්තුව තීරණය කර තිබේ.

පවතින දරුණු කාලගුණ තත්ත්වය සහ ඊට සම්බන්ධ ආපදා තත්ත්වය මෙයට ප්‍රධාන හේතුව වී ඇති බව විභාග කොමසාරිස් ජනරාල් ඉන්දිකා ලියනගේ මහත්මිය පවසයි.

වාරිමාර්ග දෙපාර්තමේන්තුවෙන් මහ ජනතාවට විශේෂ නිවේදනයක්

“විදුලි බිඳවැටීම්, සන්නිවේදන ජාලවල දුර්වලතා සහ ප්‍රවාහන බාධා හේතුවෙන් සිසුන්ට, ගුරුවරුන්ට මෙන්ම විභාග මධ්‍යස්ථානවලටද බරපතල බාධා එල්ල වී තිබේ. එබැවින් විභාග නිසි ආකාරයෙන් පැවැත්වීමට නොහැකි බව සලකා මෙම තීරණය ගෙන ඇත”

යයි කොමසාරිස් ජනරාල්වරිය සඳහන් කළාය.

ඇය පැවසුවේ, විභාග පැවැත්වීමට නව දිනයන් තෝරාගැනීමෙන් අනතුරුව ඉදිරියේදී ඒ පිළිබඳ නිල නිවේදනයක් නිකුත් කරන බවයි. 

ආපදාවෙන් බිඳවැටුණු සන්නිවේදන ජාලා - හදිසි ඇමතුම් සදහා ප‍්‍රමුඛත්වය