වාරිමාර්ග දෙපාර්තමේන්තුවෙන් මහ ජනතාවට විශේෂ නිවේදනයක්

අධික වැසි තත්ත්වය සැලකිය යුතු ලෙස පහව ගොස් ඇති වුවද, මධ්‍යම කඳුකරයේ විදුලි බලාගාර ආශ්‍රිත ප්‍රදේශවලට ලැබුණු ජලය ටිකෙන් ටික පහළට ගලා යමින් තිබෙන බැවින්, ගංවතුර තත්ත්වය තවදුරටත් උත්සන්නව පවතින බව කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල් විශේෂඥ අතුල කරුණානායක මහතා අද (30) නිවේදනයක් නිකුත් කරමින් දැනුම් දුන්නේය.

මෙම තත්ත්වය හේතුවෙන් කළානි ගඟ ද්‍රෝණියේ පහත්බිම්වලට මහා ගංවතුරක් ඇති වීමේ ඉඩකඩක් තිබෙන බැවින්, වාරිමාර්ග දෙපාර්තමේන්තුව මගින් නිකුත් කරන ප්‍රකාශවලට නිරන්තරව අවධානය යොමු කරන ලෙස ජනතාවගෙන් ඉල්ලා සිටියි.

ආපදා මරණ 193 දක්වා ඉහළට - 228ක් තවමත් අතුරුදන්

කාලගුණ අධ්‍යක්ෂ ජනරාල් මහතා පැවසුවේ දිවයිනේ සෑම ස්ථානයකම පස් තෙත්වීමේ තත්ත්වයක් පවතින බැවින්, සමහර අවස්ථාවලදී නායයෑම් ඇතිවීමේ හැකියාවන් තිබෙන බැවින්, නිවෙස් කරා යෑමේදී හෝ ගමන් කිරීමේදී මෙම තත්ත්වයන් ගැන දැඩි අවධානයෙන් පසුවන ලෙසයි. මෙය ජනතාවගේ ආරක්ෂාව සඳහා ඉතා වැදගත් බවද ඔහු අවධාරණය කළේය.

ත්‍රිකුණාමලයේ සිට කන්කසන්තුරේ හරහා පුත්තලම දක්වා වෙරළබඩ තීරයේ අනතුරු ඇඟවීම් තවදුරටත් බලාත්මක වන බැවින්, අද (30) දිනයේදී එම ප්‍රදේශවල ධීවර කටයුතු සහ නාවික කටයුතුවලින් වළකින ලෙස කාලගුණ අධ්‍යක්ෂ ජනරාල් මහතා ධීවර ප්‍රජාවගෙන් ඉල්ලා සිටියි.

කඩුවෙල, මාලඹේ, අතුරුගිරිය, බත්තරමුල්ල වහාම ඉවත් වන්න