ආපදාවෙන් බිඳවැටුණු සන්නිවේදන ජාලා - හදිසි ඇමතුම් සදහා ප‍්‍රමුඛත්වය

දිවයින පුරා බලපා ඇති බිහිසුණු ගංවතුර හා නායයෑම් නිසා විදුලි සැපයුම් බිඳවැටීම් හා ජලයෙන් යටවීම් හේතුවෙන් සන්නිවේදන කුළුණු රැසක් ක්‍රියා විරහිත වීම නිසා ජංගම දුරකථන හා අන්තර්ජාල සේවා දැඩි ලෙස බාධාවට ලක්ව තිබේ.

මෙම තත්ත්වය ආපදාවට ලක්වූ ජනතාවට ඥාතීන් සම්බන්ධ කර ගැනීමට හා හදිසි ඇමණු ලබාගැනීමට බාධාවක් වී තිබූ බැවින්, රජය මැදිහත්වීමෙන් විශේෂ සාකච්ඡාවක් අද (30) විදුලි සංදේශ නියාමන කොමිෂන් සභාවේදී (TRCSL) පැවැත්විණි.

ආයාචනයෙන් පසු රුධිර බැංකුවට පරිත්‍යාගශීලීන් විශාල පිරිසක්

සාකච්ඡාවට ජනාධිපති ලේකම් කාර්යාලය, ඩිජිටල් ආර්ථික අමාත්‍යාංශය, Clean Sri Lanka ලේකම් කාර්යාලය, TRCSL සහ Dialog, Mobitel, Airtel, Hutch, SLT-Mobitel ඇතුළු ප්‍රධාන ටෙලිකොම් සමාගම් නියෝජිතයෝ සහභාගී වූහ.

ඒ අනුව, විදුලිය ඇනහිට ඇති කුළුණු සඳහා කඩිනමින් ජනන යන්ත්‍ර (Generators) හෝ විකල්ප බලශක්ති සැපයීමට අදාළ සමාගම් සහ විදුලිබල මණ්ඩලය අතර සෘජු සම්බන්ධීකරණයක් ඇති කිරීමටත්, හානියට පත් කුළුණු අලුත්වැඩියා කිරීමට අවශ්‍ය තාක්ෂණික කණ්ඩායම් ආපදා ප්‍රදේශවලට යැවීමට රජයේ ප්‍රවාහන සහ ආරක්ෂක අංශවල සහාය ලබා දීමටත් මෙහිදී තීරණය කෙරිණි.

වාරිමාර්ග දෙපාර්තමේන්තුවෙන් මහ ජනතාවට විශේෂ නිවේදනයක්

ආපදා අවස්ථාවලදී ජාල තදබදය අවම කරමින් හදිසි ඇමතුම් (Emergency Calls) සඳහා ප්‍රමුඛතාවය ලබා දීමට ක්‍රියාකරුවන් එකඟතාව පළ කළහ.

මෙම ගැටලු  විසඳීමට රජයේ පූර්ණ මැදිහත්වීම ලබා දෙන බව ඩිජිටල් ආර්ථික නියෝජ්‍ය අමාත්‍ය එරංග වීරරත්න මහතා මෙහිදී අවධාරණය කළේය.

වහල මත සවිකර ඇති සූර්ය පැනල ක්‍රියා විරහිත කරන්න - CEB ගෙන් හදිසි ඉල්ලීමක්