ගැරඬි ඇල්ල බස් අනතුරින් මියගිය අඹු සැමි යුවළ

කොත්මලේ ගැරඬි ඇල්ල ප්‍රදේශයේ මවුවරුන්ගේ දිනය දින (11 වෙනිදා) සිදුවූ බස් අනතුරින් 22 දෙනෙකු ජීවිතක්ෂයට පත්වුණි.

ඒ අතර මීරියබැද්ද වතුයායේ පදිංචිව සිටි කම්කරුවන් වූ අඹු සැමි යුවළක් – ඥාන මුත්තු ලෙච්චමී සහ සෙංගපුල්ලේ රවි රාජා – ද සිටිති.

ඔවුන් තම දරුවන් පස්දෙනා සමඟ මහනුවර බලා යමින් සිටියදී මෙම අනතුරට ලක්වූහ.

අනතුර සිදු වූයේ බස් රථය 100 අඩි ප්‍රපාතයකට පෙරළීම හේතුවෙනි. රවි රාජා එම අවස්ථාවේදීම මිය ගිය අතර, ලෙච්චමී රෝහල්ගතවී පසුව ජීවිතක්ෂයට පත්විය.

දවස් නවයට ලක්ෂ තිහක් -පාර්ලිමේන්තු ලොක්කෙක්ගේ වැඩ

සයමස් වියැති බිළිඳා සහ අනෙක් දරුවන් ජීවිතය රැක ගත් අතර, දැන් ඔවුන් ඥාතීන්ගේ රැකවරණය යටතේ සිටිති.

මෙම සිදුවීම මීරියබැද්ද ප්‍රදේශය තුළ විශාල සංවේදනාවක් ඇති කරමින් 2014 දී එම ප්‍රදේශයේ සිදු වූ නායයෑමක් මතක් කරවීය.

සමාජ මාධ්‍ය තුළද සංවේදී දර්ශන දැඩි බලපෑමක් ඇති කළේය.

මුහුද මැද ඛේදවාචකය -ඉහළ යන අනතුරු

රජය සහතික කරයි මියගිය යුවළගේ දරුවන්ගේ අනාගතය සුරක්ෂිත කිරීම සඳහා විශේෂ වැඩපිළිවෙළක් ක්‍රියාත්මක කරමින්, ඔවුන්ගේ අධ්‍යාපන හා සෞඛ්‍ය අවශ්‍යතා සඳහා සහන සැලසීමට කටයුතු කරන බව ප්‍රාදේශීය ලේකම් ප්‍රදීප් කරුණාරත්න මහතා සඳහන් කළේය.

බස් අනතුර පිළිබඳ පරීක්ෂණ ද ආරම්භ කර ඇති අතර, ප්‍රාථමික වශයෙන් බස් රථයේ තිරිංග ක්‍රියා විරහිත වීම අනතුරට හේතු වී තිබිය හැකිය.