මට වැරදුණා. - බැසිල්ගෙන් පණිවුඩයක්. - සජබට ගිය සුපිරි ක්‍රිකට් තරුව කළ පාපොච්චාරණය. - (VIDEO)
Wayomi
2019 වසරේදී ගෝඨාභය රාජපක්ෂ ට සහය පල කළ ශ්‍රී ලංකා ක්‍රිකට් කණ්ඩායමේ හිටපු ක්‍රීඩක තිලකරත්න ඩිල්ෂාන් පසුගියදා සමගි ජනබලවෙගයට සහය පලකිරීම සඳහා එක්වුණා.
මෙම තීරණය සම්න්ධයෙන් අන්තර්ජාල නාලිකාවක් සමඟ පැවති සාකච්ඡාවක දී ඔහු විසින් වැදගත් කරුණු රැසක් අනාවරණය කර තිබුනා.
එහිදී ඔහු කියා සිටියේ, තමන් 2019 වසරේදී ගෝඨාභය රාජපක්ෂට සහය පළකිරීමට එක්වුයේ රට වෙනුවෙන් ඔහු විසින් සුවිශේෂී මෙහෙවරක් කරනු ඇති බවට වූ බලපොරෝතුවෙන් බවත්, ඔහු එම අරමුණෙන් බැහැරව කටයුතු කරන බව දැනගත් වහා එම දේශපාලන කඳවුරෙන් ඉවත් වූ බවත් ප්‍රකාශ කර සිටියා.
එමෙන්ම තමන් විසින් කිසිදු පක්ෂ භේදයකින් තොරව දකුණේ ජනාතාව වෙනුවෙන් දියත් කළ ප්‍රජා සත්කාර වැඩසටහන් හමුවේ පොදුජන පෙරමුණ නියෝජනය කරන දකුණු පළාත් දේශපාලන නායකයින් බිය වී සිටි ආකාරය සහ ඊට අදාල කාරණාවක් සම්බන්ධයෙන් බැසිල් රාජපක්ෂ විසින් තමා දැනුවත් කළ ආකාරයද ඔහු මෙම සාකච්ඡාවේදී හෙළි කරනු ලැබුවා.
