පාසල් වැසෙයිද? ගුරු සංගමයෙන් දරුණු අරගලයකට සූදානම්

ගුරු විදුහල්පති වෘත්තීය සමිති මගින් ඉදිරි ක්‍රියාමාර්ගයක් සඳහා සූදානම් වන බව ලංකා ගුරු සංගමයේ ප්‍රධාන ලේකම් ජෝසප් ස්ටාලින් මහතා නිවේදනය කර ඇත.

ගුරු සංගමය විසින් මේ ආකාරයේ තීරණයක් ගැනීමට හේතුව වී ඇත්තේ සුබෝධිනී කමිටු වාර්තාවේ යෝජනා නිර්දේශවලින් වලින් තුනෙන් දෙකක ප්‍රමාණයක් තවමත් ක්‍රියාත්මක කර නොතිබීම මතයි.

එමෙන්ම පසුගිය දිනක පවතී මෙරට ලෝක ගුරු දිනයේදී ගුරු දිනය සැමරූ අවස්ථාවේදී ද ප්‍රධාන ගැටලුව සම්බන්ධයෙන් අධ්‍යාපන අමාත්‍යාංශය හෝ ආණ්ඩුව කිසිදු ප්‍රකාශයක් නොකිරීම සම්බන්ධයෙන් තම කණගාටුව පළ කර ඇත.

උසස් පෙළ දිස්ත්‍රික් ප්‍රථමයා ජීවිතක්ෂයට

ආණ්ඩුව ඒකපාර්ශ්විකව කටයුතු කිරීම නවත්වා, ගැටලු විසඳීම සඳහා සාකච්ඡා මාර්ගයෙන් යුත් පැහැදිලි ප්‍රවේශයකට එළැඹිය යුතු බව ඔහු පවසයි.

කෙසේ වෙතත්, ගුරු දිනය සමරන දින පවා ගුරුවරුන්ගේ වැටුප් වැඩි කිරීමේ ඉතිරි කොටස ලබා දීම පිළිබඳව අධ්‍යාපන අමාත්‍යාංශයෙන් කිසිදු නිවේදනයක් නිකුත් නොවීම හා අරගලවලට සහභාගී වී පාර්ලිමේන්තුවට පත් වූ ගුරු-විදුහල්පතිවරුන් 23 දෙනෙකුට වැඩි පිරිසක් සිටියත්, ඔවුන් ද මේ පිළිබඳව අදහස් ප්‍රකාශ නොකිරීම ඔහු මෙහිදී සදහන් කළේය.

අද වන විට එක් අතකින් ගුරුවරුන්ගේ සේවා තත්ත්වය පහත බැස ඇති අතර, අනෙක් අතට, වැටුප් වැඩි කිරීම සම්බන්ධයෙන් වගකිව යුතු පාර්ශ්වයන් කිසිදු ප්‍රකාශයක් නොකර සිටින බවත් ඉතිරි තුනෙන් දෙක දිනා ගැනීම සඳහා, සියලු ගුරු-විදුහල්පති වෘත්තීය සංවිධාන සමඟ සාකච්ඡා කර, ඉදිරි අරගලයකට යාමට තමන් සූදානම් වන බවත් ඔහු පවසයි.

EPF ගැන ළඟදිම සුබ ආරංචියක්

එමෙන්ම, සේවා තත්ත්වය පිළිබඳ නිර්දේශවල පැහැදිලිව සඳහන් කර ඇත්තේ අධ්‍යාපන ක්ෂේත්‍රයේ සිදුවන වෙනස්කම් සම්බන්ධයෙන් ගුරු සංවිධාන සමඟ සාකච්ඡා කළ යුතු බවයි. එහෙත්, කිසිදු සාකච්ඡාවක් නොමැතිව ප්‍රතිසංස්කරණ ක්‍රියාත්මක කිරීමේ ආණ්ඩුවේ අත්තනෝමතික ක්‍රියාකාරීත්වය වහාම නතර කර, ගැටලු විසඳීම සඳහා සාකච්ඡාමය ප්‍රවේශයකින් පැමිණිය යුතු බව ඔහු අවධාරණය කළේය.

එසේම, ගුරුවරුන්ගේ වැටුප් හා සේවා තත්ත්ව ගැටලුවලට කඩිනමින් විසඳුම් ලබා දිය යුතුය. මෙම කරුණු සම්බන්ධයෙන් වෘත්තීය සමිති අතර සාකච්ඡාවක් දැනටමත් ආරම්භ කර ඇති බව ද ඒ මහතා වැඩිදුරටත් සඳහන් කළේය.

මහින්දව රාජපක්ෂව මරන්නේ කකුල් දෙකෙන් එල්ලලා ත්‍රස්තවාදීන්ව බේරන්න හැදුවේ