මේ කාන්තාව දැක්කොත් වහාම පොලිසියට කියන්න - මහජන බැංකු ATM යන්ත්‍රය හොරාකයි

කොහුවල ප්‍රදේශයේදී වෙනත් කාන්තාවකගේ ATM කාඩ්පතක් භාවිත කර මුදල් ලබා ගත් බවට සැක කෙරෙන කාන්තාවක හඳුනා ගැනීමට සහ අත්අඩංගුවට ගැනීමට ශ්‍රී ලංකා පොලිසිය මහජන සහාය ඉල්ලා සිටී.

පොලිසිය පවසන පරිදි, මොරටුව, රාවතාවත්ත ප්‍රදේශයේ පදිංචි කාන්තාවකගේ ATM කාඩ්පතක් භාවිත කරමින්, ඇයගේ අවසරයකින් තොරව මුදල් ලබා ගත් බවට කොහුවල පොලිස් ස්ථානය වෙත පැමිණිල්ලක් ලැබී ඇත.

ATM හා CDM යන්ත්‍ර භාවිත කරනවද? ශ්‍රී ලංකා පොලිසියෙන් අති විශේෂ දැනුම්දීමක්

මෙම සිදුවීම 2025 සැප්තැම්බර් 26 වන දින සිදුවී ඇති බව සඳහන් වේ. කොහුවල පිහිටි මහජන බැංකු (People’s Bank) ශාඛාවක ATM යන්ත්‍රයක් හරහා මෙම කාන්තාව මුදල් ලබාගෙන ඇති බව විමර්ශනවලදී අනාවරණය වී තිබේ.

මෙම සැකකාර කාන්තාව හඳුනා ගැනීමට සහ ඇය සිටින ස්ථානය සොයා ගැනීමට සහාය වීම සඳහා, අදාළ ATM යන්ත්‍රයේ තිබූ CCTV දර්ශන ලබා ගෙන ඇති අතර, ඇයගේ ඡායාරූප ද පොලිසිය විසින් ප්‍රසිද්ධ කර ඇත.

රට පුරා ගෑස් හිඟයක් - ගෑස් පිළිබඳව සමාගමෙන් විශේෂ දැනුම්දීමක්

මෙම සැකකාරිය පිළිබඳ යම් තොරතුරක් දන්නේ නම්, පහත සඳහන් දුරකථන අංක ඔස්සේ ඒ පිළිබඳව දැනුම් දෙන ලෙස මහජනතාවගෙන් ඉල්ලා සිටී.

කොහුවල පොලිස් ස්ථානාධිපති: 071-8591669

කොහුවල පොලිස් ස්ථානය: 011-2853929

සිදු කෙරෙමින් පවතින විමර්ශන කටයුතු සඳහා සහාය වීම පිණිස, මෙම සිද්ධිය සම්බන්ධයෙන් තොරතුරු දන්නා ඕනෑම අයෙකු ඉහත දුරකථන අංක ඔස්සේ පොලිසිය හා සම්බන්ධ වන ලෙස ඉල්ලා සිටී.