මුළු ලංකාවටම සුබම සුබ ආරංචියක්

මේ වසරේ (2026) ගත වූ කාලය තුළ 990,000 කට අධික විදේශීය සංචාරකයින් පිරිසක් ශ්‍රී ලංකාවට පැමිණ ඇති බව ශ්‍රී ලංකා සංචාරක සංවර්ධන අධිකාරිය (SLTDA) පවසයි.

එම අධිකාරියේ නිල දත්ත වාර්තාවලට අනුව ජනවාරි 01 වැනිදා සිට මැයි 24 වැනිදා දක්වා වූ කාලසීමාව තුළ දිවයිනට පැමිණ ඇති සමස්ත සංචාරකයින් සංඛ්‍යාව 990,032 කි.

කොළඹ මහ නගර සභාවට එරෙහිව නඩු - හේතුව මෙන්න

මෙරට සංචාරක ක්ෂේත්‍රයේ කැපී පෙනෙන වර්ධනයක් පෙන්නුම් කරන මෙම සංඛ්‍යාලේඛනවලට අනුව ශ්‍රී ලංකාවට වැඩිම සංචාරකයින් පිරිසක් පැමිණ ඇත්තේ අසල්වැසි ඉන්දියාවෙන් වන අතර, එම සංඛ්‍යාව 236,916 ක් ලෙස සටහන් වේ.

ඉන්දියාවට අමතරව බ්‍රිතාන්‍යය, රුසියාව, ජර්මනිය සහ චීනය යන රටවලින් ද සැලකිය යුතු සංචාරකයින් ප්‍රමාණයක් මෙරටට පැමිණ තිබේ.

සාමාන්‍ය පෙළ විභාගයේ ප්‍රතිඵල එන දිනය මෙන්න - විභාග දෙපාර්තමේන්තුවෙන් දැනුම්දීමක්

මේ අතර, මැයි මාසයේ පළමු දින 24 ක කාලය තුළ පමණක් සංචාරකයින් 113,755 දෙනෙකු දිවයිනට පැමිණ ඇති බව ශ්‍රී ලංකා සංචාරක සංවර්ධන අධිකාරිය වැඩිදුරටත් සඳහන් කරයි.

මෙරට ආර්ථිකය ශක්තිමත් කිරීමෙහිලා ප්‍රධාන දායකත්වයක් සපයන සංචාරක කර්මාන්තය, මෙම වසරේ මුල් මාස කිහිපය තුළ මෙලෙස ඉහළ ප්‍රවණතාවක් පෙන්වීම දේශීය ආර්ථිකයේ ස්ථාවරත්වයට සාධනීය බලපෑමක් එල්ල කරනු ඇතැයි ක්ෂේත්‍රයේ ප්‍රවීණයෝ විශ්වාසය පළ කරති.